[X] Close
JUST IN
  • BREAKING-NEWS நீதிபதி கண்முன்னே மனைவியை கத்தியால் குத்திய கணவன்! மருத்துவமனையில் மனைவிக்கு சிகிச்சை!
  • BREAKING-NEWS மக்களவைத் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கப்பட்டுள்ளது
  • BREAKING-NEWS மக்களவை தேர்தலுக்கான திமுக தேர்தல் அறிக்கையை வெளியிட்டார் கட்சி தலைவர் மு.க.ஸ்டாலின்
  • BREAKING-NEWS மக்களவை தேர்தலுக்கான அதிமுக தேர்தல் அறிக்கையை வெளியிட்டார் ஒருங்கிணைப்பாளர் ஓபிஎஸ்
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி

கன்னத்தில் அறைந்தாலும் பேசமாட்டீர்களா? : டோக்லாம் குறித்து ராகுல் காந்தி கேள்வி

rahul-gandhi-interacts-with-indian-journalists-association-in-london

டோக்லாம் விவகாரத்தில் பிரதமர் மோடி பேசாமல் விட்டது ஏன் என்று காங்கிரஸ் தலைவர் ராகுல் காந்தி கேள்வி எழுப்பியுள்ளார். 

ராகுல் காந்தி இரண்டுநாள் பயணமாக லண்டன் சென்றுள்ளார். பயணத்தின் ஒருபகுதியாக லண்டனில் உள்ள இந்திய பத்திரிகையாளர்கள் சங்கத்தின் சார்பில் நடைபெற்ற நிகழ்ச்சியில் கலந்து கொண்டு ராகுல் பேசினார். அப்போது, டோக்லாம் விவகாரத்தில் பிரதமர் மோடி மீது குற்றம்சாட்டினார். ராகுல் பேசுகையில், “சீன துருப்புகள் இன்னும் டோக்லாமில் உள்ளன. பிரதமர் மோடி சீனா சென்றபோது டோக்லாம் பிரச்னை குறித்து விவாதிக்கவில்லை. யாரோ ஒருவர் வந்து உங்களுடைய கன்னத்தில் அறைகிறார்கள். ஆனால் அதுகுறித்து பேச உங்களுக்கு எண்ணமில்லை” என்றார்.

அரசியல் கொள்கை குறித்து குறித்த கேள்விக்கு, “என்னுடைய அரசியல் கொள்கை என்பது இந்தியாவில் மிகவும் பழமையான ஒன்றுதான். அந்த கருத்து ஆயிரக்கணக்கான ஆண்டுகளாக ஆர்.எஸ்.எஸ் கொள்கைகளுக்கு எதிராக போராடி வந்துள்ளது. அதனால், என்னுடைய கொள்கை புதிதானது அல்ல” என்றார். 

யார் பிரதம வேட்பாளர் என்ற கேள்விக்கு பதில் அளிக்கையில், “முதலில் பாஜக அரசை வீழ்த்துவது ஒன்றே எல்லோருடைய இலக்காக இருக்க வேண்டும். யார் பிரதமர் என்பதை பின்னர் பார்த்துக் கொள்ளலாம்” என்றார் ராகுல். முன்னதாக, வருகின்ற மக்களவை தேர்தலில் காங்கிரஸ் தனிப்பெரும் கட்சியாக வெற்றி பெற்றால், தான் பிரதமர் ஆவதில் தவறேதும் இல்லை என்று ராகுல் காந்தி கர்நாடக தேர்தல் பிரச்சாரத்தின் போது கூறியிருந்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close