[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

'ஜெயலலிதாவிற்கு பாரத ரத்னா வழங்குக'- எம்பி மைத்ரேயன்

give-bharat-ratna-to-jayalalitha-admk-mp-maitreyan

மறைந்த முன்னாள் முதலமைச்சர் ஜெயலலிதாவிற்கு பாரத ரத்னா விருது வழங்குவது குறித்த கோரிக்கை தொடர்பாக மத்திய அரசின் பதிலைப் பெற அதிமுகவினரும் தமிழக மக்களும் ஆவலுடன் எதிர்பார்த்திருப்பதாக அதிமுக எம்பி மைத்ரேயன் தெரிவித்துள்ளார்.

இதுதொடர்பாக பேஸ்புக்கில் பதிவிட்டுள்ள அவர், ஜெயலலிதாவிற்கு பாரத ரத்னா வழங்க வலியுறுத்தி அமைச்சரவை மற்றும் அதிமுக பொதுக்குழுவில் தீர்மானங்கள் நிறைவேற்றப்பட்டிருப்பதை சுட்டிக்காட்டியுள்ளார். இதுதொடர்பாக மக்களவையிலும், மாநிலங்களவையிலும் அதிமுக எம்பிக்கள் வலியுறுத்தியதை குறிப்பிட்டுள்ளார். ஜெயலலிதா மறைந்து 600 நாட்கள் கடந்த நிலையில், அவருக்கு பாரத ரத்னா விருது வழங்குவது தொடர்பாக தேசிய ஜனநாயகக் கூட்டணி அரசின் பதிலைப் பெற அதிமுகவினரும் தமிழக மக்களும் எதிர்பார்ப்புடன் இருப்பதாக மைத்ரேயன் கூறியுள்ளார்.

இந்நிலையில் மறைந்த திமுக தலைவர் கருணாநிதிக்கு பாரத ரத்னா விருது வழங்க மதிமுக பொதுச்செயலாளர் வைகோ வலியுறுத்தியுள்ளார். இதுதொடர்பாக அவர் வெளியிட்டுள்ள அறிக்கையில், இந்திய அரசியல் தலைவர்களிலேயே எழுத்தாற்றலும், சொல்லாற்றலும் ஒருங்கே பெற்றிருந்தவர் கருணாநிதி என புகழ்ந்துள்ளார். இந்தியாவில் தென்னகத்து ஒளிவிளக்காக ஏழு கோடி தமிழர்களின் நெஞ்சில் மட்டுமல்ல, மாநில எல்லைகளைக் கடந்து நாட்டு மக்கள் அனைவரது பேரன்புக்கும், போற்றுதலுக்கும் உரிய தலைவர் கருணாநிதி‌ என சுட்டிக்காட்டியுள்ள வைகோ, பாரத ரத்னா விருது வழங்கி கருணாநிதியை சிறப்பிக்க மத்திய அரசுக்கு கோரிக்கை விடுத்துள்ளார்.

Advertisement:
Advertisement:
Advertisement:
[X] Close