[X] Close
JUST IN
  • BREAKING-NEWS 3 குழந்தைகளை விற்றதாக ராசிபுரத்தில் கைதான குழந்தை விற்பனை தரகர் அமுதா வாக்குமூலம்; விருப்ப ஓய்வுபெற்ற செவிலியரும் தரகருமான அமுதாவிடம் போலீசார் தீவிர விசாரணை
  • BREAKING-NEWS சர்வதேச உலகக்கோப்பை துப்பாக்கி சுடுதல் போட்டியில் கலப்பு இரட்டையர் பிரிவில் 10 மீட்டர் ஏர் ரைஃபிள் போட்டியில் இந்தியாவின் மனு பாகர், சவுரப் சவுத்ரி தங்கம் வென்றனர்
  • BREAKING-NEWS இணையதள குற்றங்களை தடுப்பது தொடர்பாக சமூக வலைதள பிரதிநிதிகளுடன் தலைமைச்செயலாளர் ஆலோசனை நடத்தி ஜூன் 6ல் அறிக்கை தர வேண்டும் - சைபர் குற்றங்களை தடுக்க சமூகவலைதள கணக்குகளில் ஆதார் எண்ணை இணைக்க கோரிய வழக்கில் சென்னை உயர்நீதிமன்றம் உத்தரவு
  • BREAKING-NEWS இலங்கையின் நுவரெலியா நகரில் ஹவேலியா பகுதியில் 200 டெட்டனேட்டர்கள் கண்டெடுப்பு
  • BREAKING-NEWS இலங்கையின் கொழும்பு கடற்கரை முத்துவாரம் பகுதியில் கொழும்பு குற்றத்தடுப்பு பிரிவு, சிறப்பு அதிரடிப்படை மேற்கொண்ட அதிரடி சோதனையில் ஆயுதங்களுடன் மூவர் கைது
  • BREAKING-NEWS உச்சநீதிமன்ற தலைமை நீதிபதி ரஞ்சன் கோகாய் மீதான பாலியல் புகாரை விசாரிக்க இருந்த குழுவிலிருந்து நீதிபதி ரமணா விலகல்; நீதிபதி ரமணா விலகலால் நாளை தொடங்கவிருந்த விசாரணையில் தாமதம் ஏற்படலாம் என தகவல்
  • BREAKING-NEWS வாரணாசி மக்களவை தொகுதியில் பிரதமர் மோடிக்கு எதிராக பிரியங்கா காந்தி போட்டியில்லை; மோடியை எதிர்த்து அஜய்ராய் போட்டி

பாஜகவுக்கு ஆதரவு கேட்டு வந்த நிர்மலாவுக்கு தமிழகத்தில் கிடைத்த ஷாக் !

nirmala-visits-city-for-sampark-for-samarthan

வருகின்ற 2019 மக்களவை தேர்தலில் வெற்றி பெறுவதற்காக பாரதிய ஜனதா கட்சி பல்வேறு புதிய யுக்திகளை கையாள தொடங்கியுள்ளது. அதில் முக்கியமான ஒன்றாக ‘சம்பார்க் ஃபார் சமர்தன்’ (சந்தித்து ஆதரவு திரட்டுங்கள்) என்ற திட்டத்தை பாஜக வகுத்துள்ளது. அதன்படி, பாஜக தலைவர்கள் முக்கிய பிரபலங்களை சந்தித்து பாஜகவுக்கு ஆதரவு திரட்டி வருகிறார்கள். பிரபலங்களை சந்தித்து மோடி அரசின் 4 ஆண்டு கால சாதனைகளை எடுத்துச் சொல்லி ஆதரவு திரட்ட வேண்டும் என்பதே இதன் நோக்கம். ‘சம்பார்க் ஃபார் சமர்தன்’ திட்டத்தின்படி பாஜக தலைவர் அமித்ஷா பல்வேறு பிரபலங்களை சந்தித்து ஆதரவு திரட்டி வருகிறார்.

இந்நிலையில், சென்னையில் இரண்டு நாள் பயணம் மேற்கொண்ட நிர்மலா சீதாராமன், சம்பார்க் ஃபார் சமர்தன் திட்டப்படி சினிமா உலக பிரபலங்கள், வழக்கறிஞர்கள், பத்திரிகையாளர்கள், தொழிலதிபர்கள் சிலரை சந்தித்தார். இரண்டு நாள் பயணத்தின் போது, அப்பல்லோ மருத்துவமனை தலைவர் பிரதாப் ரெட்டி, டிவிஎஸ் அண்டு சன்ஸ் இணை மேலாண்மை இயக்குநர் தினேஷ், இசையமைப்பாளர் இளையராஜா, நியூ இந்தியன் எக்ஸ்பிரஸ் தலைமை மேலாண்மை இயக்குநர் மனோஜ் சோந்தலியா, தந்திக் குழும தலைவர் பாலசுப்ரமணியம் ஆதித்யன், புதிய தமிழகம் கட்சி தலைவர் கிருஷ்ணசாமி உள்ளிட்ட பலரை சந்தித்து ஆதரவு கோரினார் நிர்மலா சீதாராமன். மேலும், மோடி ஆட்சியின் சாதனைகளை விளக்கும் கையேடு ஒன்றினையும் அனைவரிடமும் அவர் வழங்கினார். 

இந்தச் சந்திப்பின் போது மோடி அரசாங்கத்திற்கான வரவேற்பு கவலைக்குரிய வகையில் உள்ளது என கூறப்படுகிறது. மேலும், நிர்மலா சீதாராமன் சந்தித்தவர்களிடம் இருந்து எதிர் கருத்துகள் அதிக அளவில் வந்ததாக தெரிகிறது. மேலும், தமிழகத்தில் நிலவி வரும் இடதுசாரி தீவிரவாதம் குறித்து பாஜக தலைமையிடம் தெரிவிக்குமாறு சிலர் கூறியுள்ளனர். சந்திப்பின் போது சில பிரபரலங்கள், தமிழகம் யாரின் கட்டுப்பாட்டில் உள்ளது? தூத்துக்குடியில் என்ன நடந்தது? என்பது உள்ளிட்ட கேள்விகளுக்கு நிர்மலா சீதாராமனால் பதில் அளிக்க முடியவில்லை என்று கூறப்படுகிறது. இதனையடுத்து, தமிழக விவகாரம் குறித்து, பாஜக தலைவர் அமித்ஷா மற்றும் பிரதமர் மோடிக்கு தமிழகத்தின் நிலவரம் குறித்து விளக்க முடிவு செய்துள்ளதாக கூறப்படுகிறது. 

காவிரி பிரச்னை, மீத்தேன் எரிவாயு, நியூட்ரினோ திட்டம் உள்ளிட்ட விவகாரங்களில் மத்திய பாஜக அரசுக்கு எதிரான மனநிலை தமிழகத்தில் நிலவுகிறது. இதன் விளைவாக தான் பரமக்குடி அருகே, மத்திய அரசுத் திட்டங்கள்குறித்து ஆய்வு நடத்த வந்த நிர்மலா சீதாராமனுக்கு, தி.மு.க-வினர் கறுப்புக்கொடி காட்டி எதிர்ப்பு தெரிவித்து ஆர்ப்பாட்டம் நடத்தினர். அப்போது, அமைச்சரின் காரை நோக்கி செருப்பு மற்றும் கல் வீசப்பட்டதால் பதட்டம் ஏற்பட்டது. இந்த நிலையில் தான், பாஜகவுக்கு ஆதரவு கேட்கும் நிர்மலா சீதாரமனின் முயற்சிக்கும் பலன் கிட்டவில்லை என்றே தெரிகிறது. 
 

போட்டோ கேலரி

1 of 6

Advertisement:
இது தொடர்பான செய்திகள் :
Advertisement:
Advertisement:
[X] Close