[X] Close
JUST IN
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா
  • BREAKING-NEWS பேரறிவாளன் உள்ளிட்ட 7 பேரை உடனே விடுதலை செய்ய ஆளுநரை சந்தித்து முதல்வர் வலியுறுத்த வேண்டும்- திமுக தலைவர் மு.க.ஸ்டாலின்
  • BREAKING-NEWS தேமுதிகவுடனான கூட்டணி பேச்சுவார்த்தையில் இழுபறி நீடிக்கும் நிலையில் முதல்வர் பழனிசாமியுடன் அமைச்சர்கள் தங்கமணி, வேலுமணி முக்கிய ஆலோசனை
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி

மணிப்பூர், மேகாலயாவிலும் ஆட்சி அமைக்க உரிமை கோருகிறது காங்கிரஸ் !

karnataka-election-after-goa-and-bihar-manipur-joins-the-protest-will-meet-the-governor-tomorrow

கர்நாடகா, கோவாவை தொடர்ந்து மணிப்பூர் மாநிலத்திலும் ஆட்சி அமைக்க காங்கிரஸ் கட்சி உரிமை கோருகிறது.

கர்நாடகாவில் தனிப்பெரும் கட்சியான பாஜகவை ஆட்சி அமைக்க அம்மாநில ஆளுநர் அழைப்பு விடுத்ததை அடுத்து காங்கிரஸ் தலைமை புதிய வியூகத்தை அமைத்துள்ளது. தனிப்பெரும் கட்சியாக உருவெடுத்த போதும் ஆட்சி அமைக்க தவறிய மாநிலங்களில் போர்க்கொடி உயர்த்த காங்கிரஸ் முடிவு செய்துள்ளது. அதன்படி, கோவாவில் ஆட்சி அமைக்க உரிமை கோரவுள்ளதாக காங்கிரஸ் அறிவித்தது. அதேபோல், ஆளுநருக்கு எதிராக போராட்டங்களை நடத்தவும் காங்கிரஸ் கட்சியினருக்கு தலைமை உத்தரவிட்டுள்ளது.

தற்போது, கோவா மாநிலத்தை தொடர்ந்து, மணிப்பூர், மேகாலய மாநிலங்களில் தனிப்பெரும் கட்சியாக உள்ள காங்கிரஸ் ஆட்சி அமைக்க கோரவுள்ளது. மணிப்பூர் காங்கிரஸின் இபோபி சிங்கும் நாளை ஆளுநரை சந்தித்து ஆட்சி அமைக்க உரிமை கோரவுள்ளார். மணிப்பூரில் 60 தொகுதிகளுக்கு கடந்த ஆண்டு நடந்த பேரவைத் தேர்தலில் காங்கிரஸ் 28 இடங்களிலும், பாஜக 21 இடங்களிலும், நாகாலாந்து மக்கள் முன்னணி 4 இடங்களிலும், தேசிய மக்கள் கட்சி 4 இடங்களிலும், லோக் ஜனசக்தி, திரிணாமுல் காங்கிரஸ், சுயேச்சை தலா ஒரு இடத்திலும் வெற்றி பெற்றனர்.

           

பெரும்பான்மைக்கு 31 இடங்கள் தேவை என்ற நிலையில் 28 இடங்களை வென்ற காங்கிரஸைத் தாண்டி, 4 இடங்களைப் பெற்ற நாகாலாந்து மக்கள் முன்னணி, 4 இடங்களைப் பெற்ற தேசிய மக்கள் கட்சி, ஒரு இடத்தைக் கொண்ட லோக் ஜனசக்தி ஆகியவற்றோடு தேர்தலுக்குப் பிந்தைய கூட்டணியை பாஜக அமைத்தது. இதனையே ஆளுநரும் பதவியேற்க அழைத்தார். இதன் மூலம் மணிப்பூர் வரலாற்றின் முதல் பாஜக முதல்வராக பிரேன் சிங் பதவியேற்றார்.

மேகாலயாவில் கடந்த பிப்ரவரி மாதம் பேரவைத் தேர்தல் நடைபெற்றது. 59 தொகுதிகளுக்கு நடைபெற்ற தேர்தலில் காங்கிரஸ் 21 இடங்களிலும், தேசிய மக்கள் கட்சி 19 இடங்களிலும், பிற கட்சிகள் 14 இடங்களிலும் சுயேட்சை 3 இடங்களிலும் வெற்றி பெற்றனர். இங்கு பாஜக வென்ற தொகுதிகள் 2 மட்டும்தான். ஆட்சிப் பெரும்பான்மைக்கு 31 இடங்கள் தேவை என்ற நிலையில், 21 இடங்களைப் பெற்று தனிப்பெரும் கட்சியாக இருந்த காங்கிரசைத் தாண்டி, 19 இடமுள்ள தேசிய மக்கள் கட்சி, 6 இடமுள்ள ஒருங்கிணைந்த ஜனநாயகக் கட்சி, 4 இடமுள்ள மக்கள் ஜனநாயக முன்னணி, 2 இடமுள்ள தேசிய மலைவாழ் மக்கள் ஜனநாயகக் கட்சி ஆகியவற்றை ஒருங்கிணைத்து 31 இடங்களைக் கொண்ட ஒரு பெரிய 'தேர்தலுக்குப் பிந்தைய கூட்டணி'யை உருவாக்கியது பாஜக.தேர்தலுக்குப் பிந்தைய கூட்டணியில் பெரியது - என்ற அடிப்படையில் இந்தக் கூட்டணியையே ஆளுநர் அழைக்க மேகாலயாவில் பாஜக கூட்டணி அங்கு ஆட்சியைப் பிடித்தது.

தற்போது கர்நாடக ஆளுநர் எடியூரப்பாவுக்கு அழைப்பு விடுத்ததை சுட்டிக் காட்டியே கோவா, மணிப்பூர், மேகாலயா மாநிலங்களில் காங்கிரஸ் போர்க் கொடி உயர்த்தியுள்ளது. அதேபோல், பீகாரில் தனிப்பெரும் கட்சியாக உள்ளதால், ஆட்சி அமைக்க உரிமை கோர ராஷ்டிரிய ஜனதா தளம் முடிவு செய்துள்ளது. 80 எம்.எல்.ஏக்களை ஆளுநர் மாளிகைக்கு அழைத்துசெல்ல உள்ளதாக, அந்தக் கட்சியின் தலைவர் தேஜஸ்வி யாதவ் அறிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close