[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

“ஆளுநரே குதிரை பேரத்தை ஊக்குவிக்கிறார்” - குமாரசாமி குற்றச்சாட்டு

hd-kumaraswamy-said-governor-is-encouraging-horse-trading-by-bjp-leaders-this-is-unconstitutional

பாஜக குதிரை பேரத்தில் ஈடுபட ஆளுநர் அதிகாரப்பூர்வமாக ஊக்குவித்துள்ளார் என மதசார்பற்ற ஜனதா தளம் தலைவர் குமாரசாமி குற்றம்சாட்டியுள்ளார்.

எடியூரப்பா முதலமைச்சராக நாளை காலை 9.30 மணிக்கு பதவியேற்பது உறுதியாகிவிட்டது. எடியூரப்பா மட்டும் நாளை பதவியேற்கிறார், மற்ற அமைச்சர்கள் பெரும்பான்மையை நிரூபித்த பின்னர் பதவியேற்பார்கள் என்று முரளிதரராவ் கூறியுள்ளார். பதவியேற்ற நாளில் இருந்து அடுத்த 15 நாட்களில் பாஜக தனது பெரும்பான்மையை நிரூபிக்க வேண்டும். 

பாஜவுக்கு வாய்ப்பு வழங்கப்பட்டுள்ள நிலையில், காங்கிரஸ், மதசார்பற்ற ஜனதா தளம் கட்சி 15 நாட்கள் காத்திருக்க வேண்டிய நிலை ஏற்பட்டுள்ளது. காங்கிரஸ், மஜத தலைமையானது, 15 நாட்கள் காத்திருந்து சட்டப்பேரவையில் நம்பிக்கையில்லா வாக்கெடுப்பின் போது பாஜகவுக்கு எதிராக தங்கள் கட்சி எம்.எல்.ஏக்களை வாக்களிக்க வைக்க வேண்டும். 

இந்நிலையில் ஆளுநர் அழைப்பு விடுத்துள்ளது குறித்து செய்தியாளர்களிடம் பேசிய குமாரசாமி, ‘ஆளுநர் எப்படி இந்தக் குதிரை பேரத்தை ஊக்குவிக்கிறார்,  ஜனநாயகம் குழித் தோண்டி புதைக்கப்பட்டுள்ளது’ என குற்றம்சாட்டியுள்ளார். மேலும், ஆட்சி அமைக்க தேவையான இடங்கள் இல்லாத நிலையில், ஆளுநர் பாஜகவுக்கு ஏன் 15 நாட்கள் அவகாசம் கொடுத்துள்ளார் என அவர் கேள்வி எழுப்பியுள்ளார். உச்சநீதிமன்றத்தில் வழக்கு தொடர உள்ளதாகவும் அடுத்தகட்ட நடவடிக்கைகள் குறித்து ஆலோசனை செய்து முடிவு எடுக்க உள்ளதாகவும் குமாரசாமி கூறினார். 
 
தேர்தல் முடிவுகளின் படி பாஜகவிடம் 104 இடங்கள் மட்டுமே உள்ளது. காங்கிரஸ் 78, மஜத 37 இடங்களும் மற்றவர்களுக்கு 3 இடங்களும் வென்றிருக்கிறார்கள். 2 தொகுதிகளில் தேர்தல் நடைபெறாத நிலையில் மொத்தமுள்ள 222 இடங்களின் அடிப்படையில் பெரும்பான்மை நிரூபிக்க 112 எம்.எல்.ஏக்களின் வாக்கு தேவை. அதனால், பாஜகவுக்கு இன்னும் 8 எம்.எல்.ஏக்களின் வாக்கு தேவைப்படுகிறது. நிச்சயம் காங்கிரஸ் அல்லது மஜத கட்சியினரை தான் தனக்கு ஆதரவாக வாக்களிக்க வைக்க வேண்டும். இதனைதான் காங்கிரஸ் மற்றும் மஜத விமர்சித்து வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close