[X] Close
JUST IN
  • BREAKING-NEWS நாடாளுமன்றம், சட்டப்பேரவை தேர்தலில் மகாராஷ்ட்ரா மாநிலத்தில் பாஜக-சிவசேனா இணைந்து போட்டி
  • BREAKING-NEWS இடைக்கால உபரித்தொகை வழங்க வேண்டும் என மத்திய அரசு கோரிய நிலையில், மத்திய அரசுக்கு இடைக்கால உபரித்தொகையாக ரூ.28,000 கோடியை வழங்க ரிசர்வ் வங்கி முடிவு
  • BREAKING-NEWS ஆளுநர்-முதலமைச்சர் இடையேயான பிரச்னையை தீர்த்து புதுச்சேரியில் அமைதி நிலவ நடவடிக்கை எடுக்க வேண்டும் - உள்துறை அமைச்சர் ராஜ்நாத் சிங்கிற்கு காங்கிரஸ் மூத்த தலைவர் அகமது படேல் கடிதம்
  • BREAKING-NEWS புல்வாமா தாக்குதலின் காரணமாக, பாகிஸ்தானுடன் எந்த விளையாட்டு தொடர்களிலும் அரசு உத்தரவு அளிக்கும் வரை ஈடுபடப்போவதில்லை என்பதில் தெளிவாக இருக்கிறோம் - ராஜீவ் சுக்லா (ஐபிஎல் தலைவர்)
  • BREAKING-NEWS கிரண்பேடியின் அழைப்பை ஏற்று இன்று மாலை 5 மணிக்கு பேச்சுவார்த்தைக்கு செல்கிறேன்- புதுச்சேரி முதல்வர் நாராயணசாமி
  • BREAKING-NEWS புதிய உச்சத்தில் தங்கம் விலை -ஒரு கிராம் ஆபரணத் தங்கத்தின் விலை ரூ.3,196க்கு விற்பனை
  • BREAKING-NEWS ஸ்டெர்லைட் ஆலையை திறக்க தடை! ஆலையை திறக்கலாம் என தேசிய பசுமை தீர்ப்பாயத்தின் தீர்ப்பும் ரத்து!

காவிரி விவகாரம்: அனைத்துக் கட்சி கூட்டத்திற்கு ஸ்டாலின் வலியுறுத்தல்

cauvery-issue-mk-stalin-request-tn-government-for-all-party-meeting

காவிரி மேலாண்மை வாரியத்தை அமைக்கவும், சட்டரீதியாக செயல்படுத்தவும் உச்சநீதிமன்றத்தை வலியுறுத்தும் வகையில் அனைத்து கட்சிகள் மற்றும் விவசாய அமைப்புகளின் கூட்டத்தை நாளை கூட்ட வேண்டும் என தமிழக அரசை திமுக செயல் தலைவர் மு.‌க.ஸ்டாலின் வலியுறுத்தியுள்ளார்.

இது தொடர்பாக இன்று அவர் வெளியிட்டுள்ள அறிக்கையில், நீதிமன்றத்தின் தொடர்ச்சியான கண்டனங்களிலிருந்து தப்பிக்கின்ற வகையில், மத்திய அரசு வரைவுத் திட்ட விவரங்களை தாக்கல் செய்திருப்பதாக ஸ்டாலின் குற்றஞ்சாட்டியுள்ளார். உச்சநீதிமன்றத்தில் தக்க பதிலளித்து, காவிரி மேலாண்மை வாரியத்திற்கு மாற்றாக எந்த அமைப்பையும் ஏற்க இயலாது என வலியுறுத்த வேண்டிய கடமை அதிமுக அரசுக்கு இருப்பதாகவும் ஸ்டாலின் தனது அறிக்கையில் குறிப்பிட்டுள்ளார்.

உச்சநீதிமன்றம் தமிழகத்தின் நலனை மனதில் கொண்டு, காவிரி விவகாரத்தில் மத்திய அரசுக்கு இனியும் கால அவகாசம் வழங்காமல், முழு அதிகாரம் கொண்ட காவிரி மேலாண்மை வாரியத்தை விரைந்து அமைக்க ஆவன செய்ய வேண்டும் என்பதே தமிழக மக்களின் கடைசிகட்ட எதிர்பார்ப்பு எனவும் ஸ்டாலின் தெரிவித்துள்ளார்.

காவிரியில் தமிழகத்தின் உரிமையை நிலைநாட்டும் அமைப்பான நடுவர் மன்றம் அமைய பாடுபட்ட கருணாநிதியின் வழியிலேயே, திமுக தொடர்ந்து செயல்படும் என்றும் ஸ்டாலின் தனது அறிக்கையில் குறிப்பிட்டுள்ளார். மேலும், காவிரி விவகாரத்தில் எவ்வித அரசியலுக்கும் இடம்தராமல், தமிழ்நாட்டின் நலன் ஒன்றையே கருத்தில் கொண்டு செயல்படும் வகையில் மேலாண்மை வாரியம் அமைக்கச் செய்யவும், சட்டரீதியாக அதனை செயல்படுத்தவும், உச்சநீதிமன்றத்தில் மாநிலத்தின் சார்பில் வலியுறுத்தவும், நாளை அனைத்துக்கட்சி கூட்டத்திற்கு ஏற்பாடு செய்யவேண்டும் என்று மு.க.ஸ்டாலின் வலியுறுத்தியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close