[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

காவிரி வழக்கில் அவகாசம் கேட்ட மத்திய அரசு: கொந்தளித்த தமிழக தலைவர்கள்..!

tn-leaders-shocking-about-central-govt-decision-on-cauvery-issue

காவிரி வழக்கில் மேலும் 2 வாரம் அவகாசம் வழங்குமாறு உச்சநீதிமன்றத்தில் மத்திய அரசு கோரிக்கை விடுத்துள்ள நிலையில் தமிழக அரசியல் தலைவர்களின் கருத்துகளை தெரிந்துகொள்வோம்.

காவிரி விவகாரம் தொடர்பான இறுதித் தீர்ப்பில், காவிரி மேலாண்மை வாரியத்தை 6 வாரத்திற்குள் அமைக்க வேண்டும் என உச்சநீதிமன்றம் உத்தரவிட்டது. ஆனால் மத்திய அரசு உச்சநீதிமன்றம் விதித்த கெடுவுக்குள் காவிரி மேலாண்மை வாரியத்தை அமைக்கவில்லை. இதனையடுத்து தீர்ப்பில் குறிப்பிடப்பட்டிருந்த ஸ்கீம் என்ற வார்த்தைக்கு அர்த்தம் கேட்டு மத்திய அரசு உச்சநீதிமன்றத்தை நாடியது. அதேநேரத்தில், காவிரி மேலாண்மை வாரியம் அமைக்காத மத்திய அரசுக்கு எதிராக தமிழக அரசு நீதிமன்ற அவமதிப்பு வழக்கை தொடர்ந்தது. இதனையடுத்து காவிரி நீர் பங்கீடு தொடர்பான வரைவுத் திட்டத்தை மே 3-ம் தேதிக்குள் தாக்கல் செய்யுமாறு உச்சநீதிமன்றம் உத்தரவிட்டிருந்தது. இந்நிலையில் மேலும் 2 வார கால அவகாசம் வழங்குமாறு உச்சநீதிமன்றத்தில் மத்திய அரசு கோரிக்கை விடுத்துள்ளது. வரைவுத் திட்டத்தை தயாரிக்க கூடுதல் அவகாசம் தேவைப்படுவதாக, கோரிக்கை மனுவில் மத்திய அரசு தெரிவித்துள்ளது.

இந்நிலையில் மத்திய அரசு கூடுதலாக அவசாகம் கேட்டது குறித்து தமிழக அரசியல் தலைவர்கள் பலரும் தங்களது எதிர்ப்பு கருத்தை தெரிவித்து வருகின்றனர்.

அமைச்சர் ஓ.எஸ்.மணியன்

கர்நாடக தேர்தலுக்காக வாரியம் அமைப்பதை மத்திய அரசு தள்ளிப்போடுகிறது. தமிழக முதலமைச்சரும், துணை முதலமைச்சரும் உரிய நடவடிக்கை எடுப்பார்கள் என அமைச்சர் ஓ.எஸ்.மணியன் தெரிவித்துள்ளார்.

துரைமுருகன்

தமிழகத்திற்கு காவிரி நீர் இல்லை என மத்திய அரசு மறைமுகமாக தெரிவித்துள்ளது. மத்திய அரசை தமிழக மக்கள் மன்னிக்கமாட்டார்கள்

சீமான்

தமிழகத்தின் உரிமையை மறுக்கும் வகையில் மத்திய அரசு செயல்படுகிறது. காவிரி நீரை தமிழகத்துக்கு தர விருப்பம் இல்லாமல்தான் மத்திய அரசு அவகாசம் கேட்கிறது. கர்நாடகாவில் தேர்தல் முடிந்தாலும் காவிரி வாரியத்தை மத்திய அரசு அமைக்காது.

சி.பி. ராதாகிருஷ்ணன்

இருமாநில விவசாயிகளுக்கும் உகந்த வகையில் காவிரி விவகாரத்தில் நிரந்தர தீர்வை ஏற்படுத்தவே அவகாசம் என சி.பி.ராதாகிருஷ்ணன் தெரிவித்துள்ளார்.

Advertisement:
Advertisement:
Advertisement:
[X] Close