[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்

திமுக ஒருதலைபட்சமாக அறிக்கை: முதல்வர் பழனிசாமி விளக்கம்

cm-palanisamy-explains-about-mk-stalin-statement

எதிர்க்கட்சித் தலைவரிடம் தொலைபேசியில் தாம் தெரிவித்த கருத்துகளை கூறாமல் ஒருதலைபட்சமாக திமுக அறிக்கை வெளியிட்டதாக முதலமைச்சர் எடப்பாடி பழனிசாமி தெரிவித்துள்ளார்.

இதுதொடர்பாக அறிக்கை வெளியிட்டுள்ள முதலமைச்சர், போக்குவரத்து தொழிலாளர் வேலைநிறுத்தம் தொடர்பாக அரசு எடுத்துள்ள நடவடிக்கைகளை ஸ்டாலினிடம் விளக்கியதாகத் தெரிவித்துள்ளார். ஆனால், அவற்றை வெளியிடாமல் ஒருதலைபட்சமாக திமுக அறிக்கை வெளியிட்டிருப்பது வருத்தமளிப்பதாக எடப்பாடி பழனிசாமி கூறியுள்ளார்.

தொலைபேசியில் பேசிய ஸ்டாலின், வேலைநிறுத்தத்தை முடிவுக்கு கொண்டு வர நடவடிக்கை எடுக்க கேட்டுக் கொண்டதாகவும், அப்போது ஊதியம் தொடர்பான கோரிக்கைகளை நிர்வாகம் ஏற்றுள்ள நிலையில் வேலைநிறுத்தம் செய்வது தவறானது என்று பதிலளித்ததாகவும் முதலமைச்சர் தெரிவித்துள்ளார். 2013ல் வழங்கிய 5.5 சதவிகித ஊதிய உயர்வை இப்போதைய 2.44 காரணியுடன் சேர்த்துப் பார்த்தால் தொழிலாளர்கள் கேட்டுள்ள 2.57 காரணி ஊதிய உயர்வுக்கு நிகராக அமைந்துள்ள விவரத்தை ஸ்டாலினிடம் விளக்கியதாகவும் எடப்பாடி பழனிசாமி கூறியுள்ளார்.

ஊதிய உயர்வின்படி போக்குவரத்து தொழிலாளர்களுக்கு அதிகபட்ச ஊதிய உயர்வு 11,361 ரூபாய் என்பது இதுவரை வழங்கப்படாத உயர்வாகும் என்றும் எதிர்க்கட்சித் தலைவரிடம் தெரிவித்ததாக முதலமைச்சர் குறிப்பிட்டுள்ளார். மேலும், தொழிற்சங்கங்களை சார்ந்தவர்களிடம் உடனடியாக வேலைநிறுத்தத்தை கைவிட அறிவுறுத்துமாறு ஸ்டாலினிடம் கேட்டுக் கொண்டதாக முதலமைச்சர் தெரிவித்துள்ளார். பொதுமக்களின் நலன் கருதி போக்குவரத்துத் தொழிலாளர்கள் உடனடியாக பணிக்குத் திரும்ப மீண்டும் கேட்டுக் கொள்வதாகவும் முதலமைச்சர் பழனிசாமி தெரிவித்துள்ளார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close