[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

பாஜகவினரை சகோதரர்களாக கருதுகிறேன்: பதவியேற்பு விழாவில் ராகுல் பேச்சு

congress-consider-the-bjp-our-brothers-and-sisters-even-though-we-dont-agree-with-them-rahul-gandhi

பாஜகவினரை சகோதரர்களாக நினைப்பதாகவும், ஆனால் காங்கிரஸ் கட்சியை பாஜக அழிக்க நினைப்பதாகவும் ராகுல் காந்தி கூறியுள்ளார். 

காங்கிரஸ் கட்சியின் தலைவராக ராகுல் காந்தி இன்று முறைப்படி பொறுப்பேற்றார். டெல்லியில் உள்ள கட்சியின் தலைமை அலுவலகத்தில் இதற்கான நிகழ்ச்சி நடைபெற்றது. நிகழ்ச்சியில் சோனியா காந்தி, மன்மோகன் சிங் உள்ளிட்ட அக்கட்சியின் முக்கிய தலைவர்கள் கலந்து கொண்டனர்.

கட்சியின் புதிய தலைவராக பதவியேற்ற பின்னர் பேசிய ராகுல் காந்தி, நாட்டு மக்களுக்கு நன்மை செய்வதற்காகவே அரசியலுக்கு வந்ததாக கூறினார். மேலும் ராகுல் காந்தி, “மக்கள் மீது நம்பிக்கை வைத்து 13 ஆண்டுகளுக்கு முன் அரசியலுக்கு வந்தேன். காங்கிரஸ் கட்சி நாட்டை 21ஆம் நூற்றாண்டுக்கு கொண்டு செல்கிறது. ஆனால் பாரதிய ஜனதா அரசு நாட்டை பின்னோக்கி கொண்டு செல்கிறது. 

நாட்டிற்கான அனைத்து முடிவுகளையும் ஒருவரே எடுக்கிறார். இன்று மக்கள் மாற்றுக் கருத்துக்களை சொல்ல முடிவதில்லை. அரசியல் என்பது மக்களுக்கானது. ஆனால் தற்போது அரசியல் மக்களுக்குக்காக‌ பயன்படுத்தப்படுவதில்லை. பாரதிய ஜனதா கட்சி மக்களை பிளவுபடுத்துகிறது. காங்கிரஸ் கட்சி மக்களை ஒன்றிணைக்கிறது. 

காங்கிரஸ் கட்சியே தனது குடும்பம். இந்தியாவை நாங்கள் வளப்படுத்துவோம். பாரதிய ஜனதா கட்சியுடன் வேறுபாடுகள் இருந்தாலும், அவர்களையும் சகோதரர்களாகவே நினைக்கிறோம். பாஜக காங்கிரஸ் கட்சியை அழிக்க நினைக்கிறது. காங்கிரஸ் கட்சி இல்லாத இந்தியா உருவாக்க நினைக்கிறது. ஆனால் நாங்கள் வெறுப்பு அரசியலை வெறுப்பால் அணுக மாட்டோம்” என்று பேசினார்.

Advertisement:
இது தொடர்பான செய்திகள் :
Advertisement:
Advertisement:
[X] Close