[X] Close
JUST IN
  • BREAKING-NEWS நாடாளுமன்றம், சட்டப்பேரவை தேர்தலில் மகாராஷ்ட்ரா மாநிலத்தில் பாஜக-சிவசேனா இணைந்து போட்டி
  • BREAKING-NEWS இடைக்கால உபரித்தொகை வழங்க வேண்டும் என மத்திய அரசு கோரிய நிலையில், மத்திய அரசுக்கு இடைக்கால உபரித்தொகையாக ரூ.28,000 கோடியை வழங்க ரிசர்வ் வங்கி முடிவு
  • BREAKING-NEWS ஆளுநர்-முதலமைச்சர் இடையேயான பிரச்னையை தீர்த்து புதுச்சேரியில் அமைதி நிலவ நடவடிக்கை எடுக்க வேண்டும் - உள்துறை அமைச்சர் ராஜ்நாத் சிங்கிற்கு காங்கிரஸ் மூத்த தலைவர் அகமது படேல் கடிதம்
  • BREAKING-NEWS புல்வாமா தாக்குதலின் காரணமாக, பாகிஸ்தானுடன் எந்த விளையாட்டு தொடர்களிலும் அரசு உத்தரவு அளிக்கும் வரை ஈடுபடப்போவதில்லை என்பதில் தெளிவாக இருக்கிறோம் - ராஜீவ் சுக்லா (ஐபிஎல் தலைவர்)
  • BREAKING-NEWS கிரண்பேடியின் அழைப்பை ஏற்று இன்று மாலை 5 மணிக்கு பேச்சுவார்த்தைக்கு செல்கிறேன்- புதுச்சேரி முதல்வர் நாராயணசாமி
  • BREAKING-NEWS புதிய உச்சத்தில் தங்கம் விலை -ஒரு கிராம் ஆபரணத் தங்கத்தின் விலை ரூ.3,196க்கு விற்பனை
  • BREAKING-NEWS ஸ்டெர்லைட் ஆலையை திறக்க தடை! ஆலையை திறக்கலாம் என தேசிய பசுமை தீர்ப்பாயத்தின் தீர்ப்பும் ரத்து!

தாவூத் இப்ராஹிமை பார்த்ததாக கூட சொல்வார்கள்: ஹர்திக் பதிலடி

hardik-patel-responds-to-vadra-meeting-claim-tomorrow-they-ll-say-i-met-nawaz-sharif-dawood

ராபர்ட் வத்ராவை ரகசியமாக சந்தித்ததாக எழுந்த குற்றச்சாட்டுக்கு ஹர்திக் படேல் மறுப்பு தெரிவித்துள்ளார்.

குஜராத் தேர்தல் பிரச்சாரத்தில் தவிர்க்க முடியாத சக்தியாக வலம் வந்தவர் ஹர்திக் படேல். பட்டிதார் அனாமத் அந்தோலன் சமிதி இயக்கத்தின் தலைவரான ஹர்திக் படேல், இந்த தேர்தலில் காங்கிரஸ் கட்சிக்கு ஆதரவாக, பாஜகவுக்கு எதிராக சூறாவளி பிரச்சாரம் மேற்கொண்டார். அவரது இயக்கத்தைச் சேர்ந்த ஆதரவாளர்களும் பெரிய அளவில் பிரச்சாரத்தில் பங்கேற்றனர்.

காங்கிரஸ் கட்சிக்கு ஆதரவு அளிப்பதாக பேச்சுகள் அடிபட்டது முதலே ஹர்திக் படேல் மீது பாஜக நேரடியாகவும், மறைமுகமாகவும் விமர்சனங்களை முன் வைத்து வந்தது. முதலில் ராகுல் காந்தியை இரவில் யாருக்கும் தெரியாமல் ரகசியமாக சந்தித்ததாக ஹர்திக் மீது குற்றச்சாட்டு எழுந்தது. அப்போது, யாரையும் ரகசியமாக சந்திக்க வேண்டிய அவசியம் தனக்கு இல்லை, பிரதமர் மோடி பாகிஸ்தான் பிரதமரை சந்தித்ததை போல் ரகசியமாக சந்திக்க மாட்டேன் என்று ஹர்திக் பதிலடி கொடுத்தார்.

பின்னர் ஹர்திக் பட்டேலும் ஒரு பெண்ணும் இணைந்து ஆபாசமாக இருப்பது போன்ற வீடியோ நவம்பர் மாத மத்தியில் சமூக வலைதளங்களில் வைரலாக பரவியது. இதுகுறித்து ஹர்திக் பட்டேல் கூறுகையில், “இது அசிங்கமான அரசியலின் ஆரம்பம். இதற்குப் பின்னணியில் பாஜகவும் அதன் தலைவர்களும் இருக்கின்றனர். பாஜக வெற்றி பெறுவதற்காக என்னை இழிவுபடுத்துவதற்கு எந்த எல்லைக்கும் போகத் தயாராக இருக்கிறது” என்று கடுமையாக விமர்சித்தார்.

          

இந்நிலையில், பட்டிதார் அமைப்பில் இருந்து சமீபத்தில் விலகிய தினேஷ் பம்பானியா, ஹர்திக் படேல் ராபர் வத்ராவை ரகசியமாக சந்தித்ததாகவும், அமைப்பின் உறுப்பினர்களை தவறாக வழிநடத்தி செல்வதாகவும் குற்றம்சாட்டினார். அக்டோபர் மாதம் டெல்லியில் உள்ள 5 நட்சத்திர ஹோட்டலில் இந்த சந்திப்பு நிகழ்ந்ததாக கூறிய பம்பானியா, வத்ராவுடனான சந்திப்பின் போது எதாவது ரகசிய ஒப்பந்தம் மேற்கொள்ளப்பட்டதா? என்றும் கேள்வி எழுப்பினார். இந்த குற்றச்சாட்டை மறுத்துள்ள ஹர்திக் படேல், இன்று ராபர்ட் வத்ராவை சந்தித்ததாக சொல்கிறார்கள், நாளை பாகிஸ்தான் முன்னாள் பிரதமர் நவாஸ் ஷெரீபை சந்தித்ததாக சொல்வார்கள், அதன் பிறகு தாவூத் இப்ராஹிமை பார்த்ததாகவும் சொல்வார்கள் என்று கூறினார்.

                 

Advertisement:
Advertisement:
Advertisement:
[X] Close