[X] Close
JUST IN
  • BREAKING-NEWS சென்னையில் கிண்டி, ஈக்காட்டுத்தாங்கல், அசோக் நகர் உள்ளிட்ட பகுதிகளில் மழை
  • BREAKING-NEWS சபரிமலை 18ஆம் படியின் கீழ் அர்ச்சகர்கள் தர்ணா
  • BREAKING-NEWS சென்னையில் பெட்ரோல் லிட்டருக்கு ரூ.85.63 காசுகளாகவும், டீசல் லிட்டருக்கு ரூ.79.82 காசுகளாகவும் விலை நிர்ணயம்
  • BREAKING-NEWS சபரிமலை விவகாரத்தில் உச்சநீதிமன்ற தீர்ப்பை எதிர்த்து கேரள பிராமணர் சங்கம் சீராய்வு மனு தாக்கல்
  • BREAKING-NEWS பிற கோயில்களை போல் அல்லாமல் எந்த நம்பிக்கை உள்ளவரும் வழிபடலாம் என்ற சிறப்புக்குரியது சபரிமலை - கேரள முதல்வர் பினராயி விஜயன் ட்வீட்
  • BREAKING-NEWS மேட்டுப்பாளையம்-உதகை ரயில் மண்சரிவு காரணமாக அடர்லி ரயில் நிலையம் அருகே நடுவழியில் நிறுத்தம்
  • BREAKING-NEWS கோவையில் இருந்து கேரளாவுக்கு செல்லும் அரசுப் பேருந்துகள் தமிழக எல்லையில் நிறுத்தம்

ராமர் கோயில் விவகாரத்தில் ராகுல் நிலைப்பாடு என்ன?: அமித்ஷா கேள்வி

clarify-stand-on-ram-temple-amit-shah-to-rahul-gandhi

ராமர் கோயில் விவகாரத்தில் தனது நிலைப்பாட்டை ராகுல்காந்தி தெளிவுபடுத்த வேண்டும் என பாஜக தலைவர் அமித்ஷா கூறியுள்ளார். 

அயோத்தி நிலம் தொடர்பான வழக்கு உச்சநீதிமன்றத்தில் இன்று விசாரணைக்கு வந்த போது, சன்னி வஃக்பு வாரியம் சார்பில் ஆஜரான மூத்த வழக்கறிஞரும், காங்கிரஸ் மூத்த தலைவருமான கபில் சிபில் 2019-ம் ஆண்டு மக்களவை தேர்தல் நடைபெறும் வரை இந்த வழக்கை விசாரிக்க கூடாது என்று வலியுறுத்தினார். மேலும், 2019 தேர்தலுக்கு முன்பு சட்டப்படி ராமர் கோயில் கட்டப்படும் என்று பாஜக கூறியுள்ளதாக கபில்சிபில் சுட்டிக்காட்டினார்.  

இந்நிலையில் குஜராத்தில் தேர்தல் பிரச்சாரத்தின் போது பேசிய அமித்ஷா, “வருங்கால காங்கிரஸ் கட்சி தலைவருக்கு நான் ஒரு கோரிக்கை விடுக்கிறேன். அயோத்தி விவகாரத்தில் ராகுல் தனது நிலைப்பாட்டை தெளிவுபடுத்தட்டும்” என்று கூறினார். 
மேலும், “ஒரு பக்கம் ராகுல் காந்தி கோயில்களுக்கு சென்று கொண்டிருக்கிறார். மற்றொரு புறம் அவர்கள் ராமர் ஜென்மபூமி வழக்கை தாமதமாக விசாரிக்க வேண்டும் என்று வலியுறுத்துகின்றனர். காங்கிரஸ் இரட்டை நிலைப்பாட்டை கொண்டுள்ளது” என்றார்.

        

அமித்ஷாவின் குற்றச்சாட்டு பதில் அளித்த காங்கிரஸ் தலைவர் ரன்தீப் சுர்ஜிவாலா, "அயோத்தி வழக்கில் உச்சநீதிமன்றத்தின் தீர்ப்புபடி முடிவு எடுக்கப்படும் என்பதில் காங்கிரஸ் கட்சி தெளிவாக உள்ளது” என்றார்.

Advertisement:
Advertisement:
Advertisement:
[X] Close