[X] Close
JUST IN
  • BREAKING-NEWS இலங்கை சிறைகளில் இருந்து விடுவிக்கப்பட்ட 109 மீனவர்கள் காரைக்கால் துறைமுகம் வந்தடைந்தனர்
  • BREAKING-NEWS அரசு ஊழியர்கள், ஆசிரியர்களின் ஊதிய முரண்பாட்டை களைய எம்.ஏ.சித்திக் ஐஏஎஸ் தலைமையில் ஒருநபர் குழுவை அமைத்தது தமிழக அரசு
  • BREAKING-NEWS காவிரி மேலாண்மை வாரியம் அமைப்பதற்காக மத்திய அரசை வலியுறுத்த சட்டப்பேரவையை கூட்ட வேண்டும் - டிடிவி தினகரன்
  • BREAKING-NEWS நான் பூ அல்ல விதை; என்னை முகர்ந்து பார்க்காதீர்கள் விதைத்து பாருங்கள் வளருவேன் - கமல்ஹாசன்
  • BREAKING-NEWS மதுரை மீனாட்சியம்மன் கோயில் தீ விபத்து குறித்து ஆய்வு செய்ய 5 பேர் கொண்ட குழுவை அமைத்தார் தமிழக பாஜக தலைவர் தமிழிசை
  • BREAKING-NEWS சென்னையில் முதல்வர் தலைமையில் மார்ச்.5,6,7 ஆம் தேதிகளில் ஐஏஎஸ், ஐபிஎஸ் அதிகாரிகள் மாநாடு நடைபெறும் என அறிவிப்பு
  • BREAKING-NEWS தமிழக அரசியல் களத்தில் கவர்ச்சிகரமான காகிதப் பூக்கள் மலரலாம்; ஆனால் மணக்காது- மு.க ஸ்டாலின்

நாத்திகன் என்று அழைப்பதை ஏற்கவில்லை: கமல்

i-will-not-accept-to-call-ethist-willing-to-call-rationalist-kamal-haasan

நாத்திகன் என்று என்னை அழைப்பதை நான் ஏற்கவில்லை; பகுத்தறிவாளன் என்பதையே விரும்புகிறேன் என்று கமல்ஹாசன் கூறியுள்ளார். 

நடிகர் கமல்ஹாசன் தனது 63-வது பிறந்தநாளை முன்னிட்டு பல்வேறு நிகழ்ச்சிகளில் கலந்து கொண்டு பேசிவருகிறார். இந்த நிலையில், மய்யம் விசில் என்ற செயலியை அறிமுகம் செய்து வைத்த கமல் செய்தியாளர்கள் எழுப்பிய பல்வேறு கேள்விகளுக்கு பதில் அளித்தார்.

அப்போது இந்து தீவிரவாதம் தொடர்பாக கருத்துக்கு எதிராக பதிவு செய்யப்பட்டுள்ள வழக்குகளை உண்மையாக எதிர் கொள்வேன் என்றும் இந்துத்துவா தொடர்பாக உண்மையை கூறியதற்கு தண்டனை அளித்தால் அதனை அனுபவிக்கவும் தயார் என்றும் கூறினார். மேலும், இந்துக்களை புண்படுத்த வேண்டும் என்பது என் நோக்கமல்ல என்று கூறிய கமல் எந்த மதமானாலும், எவரானாலும் வன்முறையில் ஈடுபடக்கூடாது என்பது எனது உரத்த குரல் என்று விளக்கம் அளித்தார்.

மேலும், அவர் பேசுகையில், “நான் பிறந்தது, பாலச்சந்தர் என்னை அறிமுகப்படுத்தியது தவிர பிராமண சமூதாயத்தை தேடிச் சென்றதில்லை. எல்லா சமுதாயத்திலும் எனக்கு நண்பர்கள் இருக்கிறார்கள். சமூகம் பார்த்து நட்பு கொள்வது கிடையாது. இந்து விரோதி என்று சித்தரிக்கப்படுகிறேன். நான் பிறந்த குலத்தில் இருந்து விலகி வந்தவன் நான். என்னை இப்படியே ஏற்றுக் கொள்ளுங்கள். நாத்திகன் என்று என்னை அழைப்பதை நான் ஏற்கவில்லை;ஏனென்றால் அந்த வார்த்தை ஆத்திகர்கள் கொடுத்தது. ஆதிகத்தை ஏற்காதவர்களை அவர்கள் நாத்திகர் என்றார்கள். ஆகவே அதை நான் ஏற்க மறுக்கிறேன். நான் பகுத்தறிவாளன். பகுத்தறிய விரும்புகிறவன். பகுத்தறிவாளன் என்று அழைப்பதையே நான் விரும்புகிறேன்” என்றார்.

Advertisement:
Advertisement:
Advertisement:
[X] Close