[X] Close
JUST IN
  • BREAKING-NEWS ஐஎன்எக்ஸ் மீடியா விவகாரம்: சிபிஐ வழக்கில் ப.சிதம்பரத்துக்கு ஜாமீன்
  • BREAKING-NEWS வங்கக் கடலில் உருவானது காற்றழுத்த தாழ்வுப்பகுதி: கனமழைக்கு வாய்ப்பு
  • BREAKING-NEWS பிகில் திரைப்பட வெளியீட்டிற்கு தடை கோரிய வழக்கு. இன்று உத்தரவு பிறப்பிக்கிறது சென்னை உயர் நீதிமன்றம்
  • BREAKING-NEWS பொதுத்துறை வங்கிகள் இணைப்புக்கு எதிர்ப்பு தெரிவித்து வங்கி ஊழியர்கள் இன்று வேலைநிறுத்தம்
  • BREAKING-NEWS தீபாவளிக்கு மறுநாளை விடுமுறையாக அறிவித்தது தமிழக அரசு. பண்டிகையை உற்சாகமாக கொண்டாட 3 நாட்கள் தொடர் விடுமுறை
  • BREAKING-NEWS தமிழகத்தில் அடுத்த 3 நாட்களுக்கு மழை நீடிக்கும் என வானிலை மையம் தகவல்

கும்பி எரியுது.. குடல் கருகுது.. கட்அவுட் ஒரு கேடா?: ஸ்டாலின் தாக்கு!

dmk-mkstalin-stalin-slams-tn-govt

கும்பி எரியுது, குடல் கருகுது இந்த வீண் ஆடம்பர கட்-அவுட் ஒரு கேடா?” என்று பொதுமக்கள், கேள்வி எழுப்புவதாக திமுக செயல் தலைவர் மு.க.ஸ்டாலின் தெரிவித்துள்ளார்.

இது குறித்து அவர் வெளியிட்டுள்ள செய்தி குறிப்பில், கட்அவுட் கலாச்சாரத்தை தவிர்க்க வேண்டுமென திமுக தொண்ட‌ர்களுக்கு பல முறை அன்பு வேண்டுகோள் விடுத்ததாக அவர் குறிப்பிட்டுள்ளார். சென்னை உயர்நீதிமன்றத்தின் பேனர் குறித்த உத்தரவு கவனத்திற்கு உரியது என்றும் அவர் சுட்டிக்காட்டியுள்ளார். ஆனால் திருச்சியில் அரசு சார்பில் நடைபெற்ற எம்ஜிஆர் நூற்றாண்டு விழாவில் மறைந்த தலைவர்களின் படங்களுக்கு இணையாக முதல்வர், துணை முதல்வர் படம் இடம் பெற்று இருந்தது நீதிமன்ற அவமதிப்பு என்று குற்றம்சாட்டியுள்ளார். டெங்கு காய்ச்சல் மற்றும் கந்துவட்டியால் தமிழகத்தில் உயிரிழப்புகள் ஏற்பட்டு வரும் நிலையில், அதுகுறித்து கவலைப்படாமல் எம்.ஜி.ஆருக்கு விழா என்று கூறி, தங்களுக்கு கட்அவுட் வைத்துக்கொள்ளும் சுயமோகிகளின் கைகளில் தமிழகம் சிக்கித் தவிப்பதாக மு.க.ஸ்டாலின் விமர்சனம் செய்துள்ளார். தாழ்ந்து கிடக்கும் தமிழகத்தின் நிலைக்குக் காரணமான உருவங்களை எல்லாம் உயர்ந்து நிற்கும் பேனர், கட்-அவுட்டுகளில், பார்க்கும் பொதுமக்கள், “கும்பி எரியுது, குடல் கருகுது இந்த வீண் ஆடம்பர கட்-அவுட் ஒரு கேடா?” என்று கேட்பதாக அந்த அறிக்கையில் ஸ்டாலின் தெரிவித்துள்ளார்.

வீடியோ

Advertisement:
Advertisement:
Advertisement:
[X] Close