[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

இந்திய மக்களுக்கு போதிய உணவு கிடைப்பதில்லை: ப.சிதம்பரம் குற்றச்சாட்டு

p-chidambaram-alleged-union-government

இந்திய மக்கள் அனைவருக்கும் போதிய உணவு கிடைப்பதில்லை என முன்னாள் நிதியமைச்சர் ப.சிதம்பரம் குற்றம்சாட்டியுள்ளார்.

இது குறித்து ட்விட்டரில் கருத்து பதிவிட்டுள்ள அவர், இந்திய மக்கள் தொகையில், ஒரு குறிப்பிடத்தக்க பகுதியினர் வருடத்தில் பல நாட்கள் பட்டினியில் தவிப்பது மறுக்க முடியாத உண்மை என்று கூறியுள்ளார். யுனிசெப் அமைப்பின், 2017-ஆம் ஆண்டுக்கான உணவுப் பாதுகாப்பு மற்றும் ஊட்டச்சத்து அறிக்கையில், இந்தியாவில் 19 கோடி பேர் ஊட்டச்சத்து குறைவால் பாதிக்கப்பட்டுள்ளதாக சுட்டிக்காட்டியுள்ளதை குறிப்பிட்டுள்ளார்.

இந்த உண்மைகளை அரசு ஏன் மறுக்கிறது என்று கேள்வி எழுப்பியுள்ள ப.சிதம்பரம், இந்திய மக்களுக்குத் தேவையான உணவு உற்பத்தி செய்யப்படுவதாகவும், ஆனால்,அனைத்து மக்களுக்கும் தேவையான உணவு கிடைப்பதில்லை என்று தெரிவித்துள்ளார்.

2013-ஆம் ஆண்டு உணவு பாதுகாப்புச் சட்டத்தை அப்போதைய காங்கிரஸ் அரசு கொண்டு வந்ததாக கூறியுள்ள ப.சிதம்பரம், ஆனால், அதைத் தொடர்ந்து 2014-ஆம் ஆண்டு ஆட்சிக்கு வந்த தேசிய ஜனநாயகக் கூட்டணி அரசு, அதை கட்டாயமாக்கி அமல்படுத்தவில்லை என்றும் குற்றம்சாட்டியிருக்கிறார். பட்ஜெட் ஆவணங்களின்படி, 2015-16-ஆம் ஆண்டுகளில் அரசு தேசிய உணவு பாதுகாப்புச் சட்டத்தின்படி, ஒரு லட்சத்து 34ஆயிரத்து 919 கோடி ரூபாய் செலவிட்டுள்ளதாக
தெரிவிக்கப்பட்டுள்ளதாகவும் சிதம்பரம் கூறியிருக்கிறார்.

Advertisement:
இது தொடர்பான செய்திகள் :
Advertisement:
Advertisement:
[X] Close