[X] Close
JUST IN
  • BREAKING-NEWS டெல்லியில் 28 ஆவது ஜிஎஸ்டி கூட்டம் அமைச்சர் பியூஷ் கோயல் தலைமையில் தொடங்கியது
  • BREAKING-NEWS இந்தியா திருக்கோயில் என்றால், கடவுள் இருக்கும் இடம் தமிழ்நாடு- முதலமைச்சர் பழனிசாமி
  • BREAKING-NEWS நிதி மசோதாவுக்கு ஒப்புதல் பெறப்பட்டு நிறைவேற்றப்படும்- புதுச்சேரி துணைநிலை ஆளுநர் கிரண்பேடி
  • BREAKING-NEWS ராமநாதபுரம்: மண்டபம் அருகே முயல் தீவுப் பகுதியில் ரூ.4 கோடி மதிப்புள்ள கடல் அட்டைகள் பறிமுதல்
  • BREAKING-NEWS நாடு முழுவதும் அகில இந்திய மோட்டார் காங்கிரஸ் சார்பில் 2 ஆவது நாளாக லாரிகள் வேலைநிறுத்தம்
  • BREAKING-NEWS விருதுநகர்: ராஜபாளையம் அருகே திருவள்ளூர் நகரில் பாலியல் புகாரில் பள்ளி தலைமை ஆசிரியர் கைது

வாரிசு அரசியல் மாற வேண்டும்: கார்த்தி சிதம்பரம்

karthi-chidambaram-political-speech

வாரிசு அரசியல் மாற வேண்டும் என்றும் வாரிசு என்ற ஒரே தகுதியில் யாரும் தேர்தலில் வெற்றி பெற முடியாது என்றும் கார்த்தி சிதம்பரம் தெரிவித்துள்ளார்.

சென்னை காமராஜர் அரங்கத்தில் செய்தியாளர்களிடம் பேசிய அவர், “பாஜகவை எதிர்க்கட்சிகள் மட்டுமல்ல, அவர்களது கட்சிக்குள் இருந்த சிலரும் விமர்சிக்கின்றனர். வாரிசு அரசியல் என்பது அனைத்து கட்சியிலும் இருக்கும் ஒரு நிலைதான். காங்கிரஸ் மட்டும் வாரிசு அரசியல் நடத்துவதாக பாஜகவினர் கூறுகின்றனர். ஆனால் பாஜகவை சேர்ந்த மத்திய அமைச்சர் ராஜ்நாத் சிங்கின் மகன் உத்தரப்பிரதேசத்தில் எம்.எல்.ஏ, வசுந்தராவின் மகன் ராஜஸ்தானில் எம்.பி, முண்டேவின் மகள் மகாராஷ்டிராவில் அமைச்சர், மஹாஜனுடைய மகள் எம்.பி, ராமன் சிங் மகன் எம்.பி என்பதையும் மக்களிடம் கூற வேண்டும். 
வாரிசு அரசியல் பற்றிப் பேசும் போது பாஜக அவர்களது கட்சியில் உள்ளவர்கள் பற்றியோ, அவர்களின் கூட்டணி கட்சிகள் குறித்தோ பேசுவதில்லை. காங்கிஸை மட்டும்தான் விமர்சிக்கின்றது. ஆனால் வாரிசு அரசியல் மாற வேண்டும் என்பதே எனது கருத்து. புது முகங்களுக்கு வாய்ப்பளிக்க வேண்டும். வாரிசு என்ற ஒரே தகுதியில் யாரும் தேர்தலில் வெற்றி பெற முடியாது.” என்று கூறினார்.

தொடர்ந்து பேசிய கார்த்தி சிதம்பரம் “தமிழகத்தில் தற்போது அரசாங்கம் என்பதே இல்லை. புதிதாக வந்துள்ள ஆளுநர் நல்ல காரியம் செய்ய வேண்டுமென்றால், உடனடியாக சட்டப்பேரவையை கலைக்க வேண்டும். பொதுத்தேர்தலை நடத்த வேண்டும். கட்சியிலும், மக்கள் மத்தியிலும் ஆதரவே இல்லாதவர்கள்தான் தற்போது ஆட்சியை நடத்துகின்றனர். தமிழக அரசில் பாஜகவின் நேரடியாக தலையிட்டாலும், குறுக்கு வழியில் தலையிட்டாலும் அவர்களுக்கு இங்கு செல்வாக்கு என்பதே இல்லை” என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close