[X] Close
JUST IN
  • BREAKING-NEWS பிரபல பாலிவுட் நடிகர் அமிதாப் பச்சனுக்கு உடல்நலக்குறைவு: மருத்துவமனையில் அனுமதி
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு
  • BREAKING-NEWS நாங்குநேரியில் ஆங்காங்கே சிதறிக்கிடந்த 2 ஆயிரம் ரூபாய் நோட்டுகள் பறிமுதல்: 5 பேரிடம் விசாரணை

ஜெ. மரணம்: சிபிஐ விசாரணை தேவையில்லை - சி.வி.சண்முகம்

jayalalitha-dead-issue-minister-c-v-shammugan-opinion

ஜெயலலிதா இறப்பு விவகாரத்தில் சிபிஐ விசாரணை தேவையில்லை என்று தமிழக சட்டத்துறை அமைச்சர் சி.வி.சண்முகம் தெரிவித்துள்ளார்.

சென்னையில் செய்தியாளர்களை சந்தித்த அமைச்சர் சி.வி.சண்முகம் ஜெயலலிதா மரணத்தில் சிபிஐ விசாரணை தேவையில்லை என்றும் மாநில அரசின் விசாரணை ஆணையமே போதும் என்றும் கூறியுள்ளார். ஓ.பன்னீர்செல்வம் உள்ளிட்ட 11 பேரை தகுதி நீக்கம் செய்யக்கோரி திமுக தொடர்ந்துள்ள வழக்கு நீதிமன்றத்தில் இருப்பதால், தற்போது அதுபற்றி கருத்துக்கூற முடியாது என்றும் சி.வி.சண்முகம் தெரிவித்தார்.

தமிழக முன்னாள் முதலமைச்சர் ஜெயலலிதா கடந்த ஆண்டு செப்டம்பர் மாதம் 22ஆம் தேதி உடல்நலக்குறைவு காரணமாக அப்போலோ மருத்துவமனையில் அனுமதிக்கப்பட்டார். சுமார் 74 நாட்கள் மருத்துவமனையில் இருந்து சிகிச்சை பலன் அளிக்காமல் கடந்த ஆண்டு டிசம்பர் மாதம் 5ஆம் தேதி காலமானார். மருத்துவமனையில் அவர் இருந்தபோது எந்த புகைப்படமும் வெளிவராததால் அவரது மரணம் குறித்து சர்ச்சை எழுந்தது.

இதனையடுத்து எடப்பாடி பழனிசாமி தலைமையிலான அரசு ஜெயலலிதா மரணம் குறித்து ஓய்வுபெற்ற நீதிபதி ஆறுமுகசாமி தலைமையில் விசாரணை ஆணையம் அமைத்துள்ளது. தமிழக அரசு நியமித்துள்ள விசாரணை ஆணையத்தால் எந்த பயனும் இல்லை சிபிஐ விசாரணை கோருவோம் என எதிர்க்கட்சிகள் கூறிவரும் நிலையில் அமைச்சர் சி.வி.சண்முகம் இவ்வாறு தெரிவித்துள்ளார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close