[X] Close
JUST IN
  • BREAKING-NEWS வணிக ஒத்துழைப்புக்கு நம்பிக்கைக்குரிய நாடு இந்தியா: கனடா பிரதமர் ஜஸ்டின் ட்ரூடோ
  • BREAKING-NEWS இந்தியாவில் அதிகரித்து வரும் எரிசக்தி தேவையை கனடா பூர்த்தி செய்யும் - பிரதமர் மோடி
  • BREAKING-NEWS முதல்வருடன் நட்பில் இருப்பதால் தொழில் தொடங்க விரும்புவோர் என்னை அணுகலாம் - ஆளுநர் பன்வாரிலால் புரோஹித்
  • BREAKING-NEWS இரண்டு நாட்களில் முழுமையாக டவர்கள் சீர் செய்யப்பட்டு ஏர்செல் சேவை தொடங்கப்படும் - ஏர்செல் தென்னிந்திய தலைமை செயல் அதிகாரி சங்கர நாராயணன்
  • BREAKING-NEWS நானும் கமலும் வேறு வேறு பாதையில் சென்றாலும் இருவரின் நோக்கமும் மக்களுக்கு நல்லது செய்வதே - ரஜினிகாந்த்
  • BREAKING-NEWS ராகவேந்திரா திருமண மண்டபத்தில் நெல்லை மாவட்ட ரசிகர்களுடன் நடிகர் ரஜினிகாந்த் சந்திப்பு
  • BREAKING-NEWS டிடிவி தினகரனுடன் கள்ளக்குறிச்சி தொகுதி அதிமுக எம்எல்ஏ பிரபு திடீர் சந்திப்பு

காலி சேர்களை பதிவிட்டு காலித்தனம் செய்வதா? தமிழிசை ஆவேசம்

leave-empty-invites-tamilnadu

நீட் விவகாரத்தில் போராடுமாறு மாணவர்களை திமுக உள்ளிட்ட எதிர்க்கட்சிகள் தூண்டிவிடுவதாக, பாஜக மாநில தலைவர் தமிழிசை சவுந்தரராஜன் குற்றம்சாட்டியுள்ளார்.

நீட் தேர்வு தொடர்பாக கிராமங்களில் பரப்புரை மேற்கொள்ளவிருப்பதாக கூறிய அவர், திருச்சி பொதுக்கூட்டத்தில் அதிகமான தொண்டர்கள் பங்கேற்றதாகவும் தெரிவித்துள்ளார். திருச்சி பொதுக்கூட்டம் தொடர்பாக சமூக வலைதளங்களில் காலிச்சேர்களை பதிவிட்டு காலித்தனம் செய்ய வேண்டாம் என்றும், பாஜக ப‌ற்றி திரித்துக் கூறுப‌வர்களை திருப்பி அடிக்கத் தொடங்கி இருப்பதாகவும் அக்கட்சியின் மாநிலத் தலைவர் தமிழிசை சவுந்தரராஜன் தெரிவித்துள்ளார்.

சென்னை விமான நிலையத்தில் இன்று செய்தியாளர்களை சந்தித்த அவர், ’எதிர்க்கட்சிகள், மாணவர்களை எதிர்மறையாக பயன்படுத்துகிறார்கள். நுங்கம்பாக்கத்தில் பள்ளி மாணவிகளை ரோட்டில் பல மணி நேரம் நிற்க வைத்தது மன்னிக்க முடியாத குற்றம். அதே பள்ளிக்கு சென்று நீட் நல்ல திட்டம் என எடுத்துரைக்கப் போகிறோம். நீட் தேர்வின் அவசியம் குறித்து கிராமம் கிராமமாக சென்று எடுத்துச் சொல்லப் போகிறோம். மாணவர்களை போராட்டத்திற்கு தூண்டுபவர்கள் மீது தமிழக அரசு கடுமையான நடவடிக்கை எடுக்க வேண்டும். நடக்கின்ற போராட்டங்கள் மாணவர்கள் நலனுக்கு எதிரானது மட்டுமல்ல, உச்ச நீதிமன்றத் தீர்ப்புக்கும் எதிரானது. செப்டம்பர் 13 ஆம் தேதி எதிர்க்கட்சிகள் நடத்தும் நீட் எதிர்ப்பு ஆர்பாட்டத்திற்கு எதிராக, செப்டம்பர் 14 ஆம் தேதி நீட் ஆதரவு ஆர்பாட்டம் நடைபெறும்’ என்று கூறினார்.

மேலும், ’திருச்சி பொதுக்கூட்டத்திற்கு கூட்டம் வரவில்லை என்பது பொய் பிரச்சாரம். எனது ட்விட்டர் பக்கத்தில் பார்க்க முடியாத, கேட்க முடியாத, உணர முடியாத அளவுக்கு கேவலமாக விமர்சனம் செய்கிறார்கள். மாலை 5 மணிக்கே அனைவரும் வருவதற்கு முன்பே புகைப்படம் எடுத்துப் போடுகிறார்கள். கூட்டம் முடிந்தபிறகு ஃபோட்டோ எடுத்துப் போடுகிறார்கள். மிகவும் கீழ்த்தரமாக நடந்துகொள்கிறார்கள். திமுகவுக்கு வந்த கூட்டத்தை விட அதிகமான கூட்டம் எங்களுக்கு திருச்சியில் கூடியது. சமூக வலைத்தளங்களில் காலிச் சேர்களைப் போட்டு காலித்தனம் செய்யாதீர்கள். திரித்துக் கூறுபவர்களை நாங்கள் திருப்பியடிக்க தொடங்கிவிட்டோம். அவர்கள் திருந்தி வருவார்கள் என்று நம்புகிறேன்’ என்று தமிழிசை பேசினார்.

Advertisement:
Advertisement:
Advertisement:
[X] Close