[X] Close
JUST IN
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்
  • BREAKING-NEWS அரசின் எந்த துறையையும் ஆளுநர் விமர்சித்தது இல்லை: ஆளுநர் மாளிகை விளக்கம்
  • BREAKING-NEWS கர்நாடக முதல்வர் அழுது புலம்பினாலும் செல்லாது - அமைச்சர் ஜெயக்குமார்
  • BREAKING-NEWS சமூகத்தின் மிகப்பெரிய பிரச்னை சாதி; நாட்டில் இன்னும் சாதி வேற்றுமை உள்ளது - ப.சிதம்பரம்
  • BREAKING-NEWS பாஜகவின் பலத்தை எதிர்க்கட்சிகளால் எதிர்கொள்ள முடியாது- தமிழிசை சவுந்தரராஜன்
  • BREAKING-NEWS மாநில உரிமைகளில் ஆளுநர் தொடர்ந்து தலையிடுவதை பொறுத்துக்கொள்ள முடியாது- மு.க.ஸ்டாலின்
  • BREAKING-NEWS மதுரையில் அமைக்கப்பட உள்ள் எய்ம்ஸ் போல் மேலும் ஒரு எய்ம்ஸ் வந்தாலும் நல்லதுதான் - டிடிவி தினகரன்

தி.மு.க எம்.எல்.ஏக்கள் மீது நடவடிக்கை கூடாது : உயர்நீதிமன்றம் உத்தரவு

dmk-mlas-should-not-act-supreme-court-orders

குட்கா விவகாரத்தில் மறு உத்தரவு வரும் வரை தி.மு.க எம்.எல்.ஏ.க்கள் மீது நடவடிக்கை எடுக்கக்கூடாது என சென்னை உயர்நீதிமன்றம் இடைக்கால உத்தரவு பிறப்பித்துள்ளது.

சட்டப்பேரவைக்கு குட்கா கொண்டு வந்தது தொடர்பாக விளக்கம் கோரி ஸ்டாலின் உள்ளிட்ட 21 தி.மு.க எம்.எல்.ஏ.க்களுக்கு சட்டப்பேரவை உரிமைக் குழு கடந்த மாதம் 28ஆம் தேதி நோட்டீஸ் அனுப்பியது. இதனை எதிர்த்து 21 தி.மு.க உறுப்பினர்களும் சென்னை உயர்நீதிமன்றத்தில் வழக்கு தொடர்ந்திருந்தனர். இந்நிலையில் நீதிபதி துரைசாமி முன்னிலையில் விசாரணைக்கு வந்த இவ்வழக்கில், திமுக சார்பில் முன்னாள் மத்திய அமைச்சரும், மூத்த வழக்கறிஞருமான கபில் சிபல் வாதாடினார். அப்போது குட்கா பொருட்கள் கொண்டு வருவதை தடுக்க சபை விதிகள் ஏதும் இல்லை என்று தெரிவித்தார். விதிகள் இல்லாதபோது அதை மீறியதாக கூறுவது எப்படி சாத்தியம் என்று அவர் கேள்வி எழுப்பினார். நம்பிக்கை வாக்கெடுப்பில் வெற்றி பெறுவதற்காகவே, தி.மு.க உறுப்பினர்கள் 21 பேரை இடைநீக்கும் நடவடிக்கைகளை அரசு தொடங்கியுள்ளதாகவும் அவர் எடுத்துரைத்தார்.

இதைத்தொடர்ந்து அரசு தரப்பில் ஆஜரான தலைமை வழக்கறிஞர் விஜய் நாராயண், வழக்கு விசாரணைக்கு உகந்ததா என்பது பற்றி வாதம் செய்ய வேண்டியுள்ளதால், வழக்கை வரும் 14ஆம் தேதிக்கு ஒத்திவைக்க வேண்டும் என்று கோரினார். மேலும் வழக்கில் மறு உத்தரவு பிறப்பிக்கப்படும் வரை, நடவடிக்கை எதுவும் எடுக்கக்கூடாது என அவை உரிமைக் குழுவுக்கு அறிவுறுத்துவதாகவும் அரசு தரப்பு வழக்கறிஞர் உத்தரவாதம் அளித்தார். இதனை ஏற்ற நீதிமன்றம், உத்தரவாதத்தின் படி மறு உத்தரவு பிறப்பிக்கும் வரை தி.மு.க எம்.எல்.ஏக்கள் மீது நடவடிக்கை எடுக்கக் கூடாது என்றும், வழக்கை வரும் 14ஆம் தேதிக்கு ஒத்திவைத்தும் உத்தரவிட்டது. 

வீடியோ

Advertisement:
Advertisement:
Advertisement:
[X] Close