[X] Close
JUST IN
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்
  • BREAKING-NEWS அரசின் எந்த துறையையும் ஆளுநர் விமர்சித்தது இல்லை: ஆளுநர் மாளிகை விளக்கம்
  • BREAKING-NEWS கர்நாடக முதல்வர் அழுது புலம்பினாலும் செல்லாது - அமைச்சர் ஜெயக்குமார்
  • BREAKING-NEWS சமூகத்தின் மிகப்பெரிய பிரச்னை சாதி; நாட்டில் இன்னும் சாதி வேற்றுமை உள்ளது - ப.சிதம்பரம்
  • BREAKING-NEWS பாஜகவின் பலத்தை எதிர்க்கட்சிகளால் எதிர்கொள்ள முடியாது- தமிழிசை சவுந்தரராஜன்
  • BREAKING-NEWS மாநில உரிமைகளில் ஆளுநர் தொடர்ந்து தலையிடுவதை பொறுத்துக்கொள்ள முடியாது- மு.க.ஸ்டாலின்
  • BREAKING-NEWS மதுரையில் அமைக்கப்பட உள்ள் எய்ம்ஸ் போல் மேலும் ஒரு எய்ம்ஸ் வந்தாலும் நல்லதுதான் - டிடிவி தினகரன்

சித்துவேலை செய்தாலும் தேர்தல் வராது : அமைச்சர் ஜெயக்குமார்

minister-jayakumar-about-stalin

சட்டப்பேரவைத் தேர்தல் நடைபெறவேண்டும் என யார் எந்த சித்து வேலை செய்தாலும், அது பலிக்காது என அமைச்சர் ஜெயக்குமார் கூறியுள்ளார். 

தமிழக அரசு பெரும்பான்மையை இழந்துவிட்டதாகவும், அதனால் சட்டசபையை கூட்டி நம்பிக்கை வாக்கெடுப்பு நடத்த வேண்டும் என்றும் எதிர்க்கட்சித் தலைவர் ஸ்டாலின் உட்பட பல்வேறு அரசியல் தலைவர்கள் வலியுறுத்தியுள்ளனர். முன்னதாக தற்போதுள்ள முதலமைச்சரை மாற்ற வேண்டும் என தினகரன் ஆதரவு எம்.எல்.ஏக்கள் 19 பேர் ஆளுநரிடம் கடிதம் அளித்துள்ளனர். இதுகுறித்து ஆளுநர் உரிய நடவடிக்கை எடுக்க வேண்டுமென்று திமுக தரப்பிலும் வலியுறுத்தப்பட்டது. இதைத்தொடர்ந்து தி.மு.க எம்.பி கனிமொழி உடன் எதிர்கட்சியினர் சிலரும் சென்று குடியரசுத் தலைவரை நேரில் சந்தித்து கோரிக்கை விடுத்தனர். அதுமட்டுமின்றி அ.தி.மு.க அம்மா அணி துணைப்பொதுச்செயலாளர் தினகரன் தனது ஆதரவு எம்.எல்.ஏக்களுடன் நாளை ஆளுநரை சந்திக்கவுள்ளார்.

இந்நிலையில் இன்று செய்தியாளர்களை சந்தித்த மீன்வளத்துறை அமைச்சர் ஜெயக்குமார், யார் எந்த சித்து வேலை செய்தாலும் சட்டப்பேரவைத் தேர்தல் நடைபெறும் என்ற எண்ணம் பலிக்காது என்று கூறியுள்ளார். மேலும் எதிர்க்கட்சித் தலைவர் மு.க.ஸ்டாலின் மட்டுமே தமிழகத்தில் தேர்தல் நடைபெற வேண்டும் என விரும்புவதாகவும் அவர் விமர்சித்துள்ளார்.
 

Advertisement:
Advertisement:
Advertisement:
[X] Close