[X] Close
JUST IN
  • BREAKING-NEWS இடைக்கால உபரித்தொகை வழங்க வேண்டும் என மத்திய அரசு கோரிய நிலையில், மத்திய அரசுக்கு இடைக்கால உபரித்தொகையாக ரூ.28,000 கோடியை வழங்க ரிசர்வ் வங்கி முடிவு
  • BREAKING-NEWS ஆளுநர்-முதலமைச்சர் இடையேயான பிரச்னையை தீர்த்து புதுச்சேரியில் அமைதி நிலவ நடவடிக்கை எடுக்க வேண்டும் - உள்துறை அமைச்சர் ராஜ்நாத் சிங்கிற்கு காங்கிரஸ் மூத்த தலைவர் அகமது படேல் கடிதம்
  • BREAKING-NEWS புல்வாமா தாக்குதலின் காரணமாக, பாகிஸ்தானுடன் எந்த விளையாட்டு தொடர்களிலும் அரசு உத்தரவு அளிக்கும் வரை ஈடுபடப்போவதில்லை என்பதில் தெளிவாக இருக்கிறோம் - ராஜீவ் சுக்லா (ஐபிஎல் தலைவர்)
  • BREAKING-NEWS கிரண்பேடியின் அழைப்பை ஏற்று இன்று மாலை 5 மணிக்கு பேச்சுவார்த்தைக்கு செல்கிறேன்- புதுச்சேரி முதல்வர் நாராயணசாமி
  • BREAKING-NEWS புதிய உச்சத்தில் தங்கம் விலை -ஒரு கிராம் ஆபரணத் தங்கத்தின் விலை ரூ.3,196க்கு விற்பனை
  • BREAKING-NEWS ஸ்டெர்லைட் ஆலையை திறக்க தடை! ஆலையை திறக்கலாம் என தேசிய பசுமை தீர்ப்பாயத்தின் தீர்ப்பும் ரத்து!
  • BREAKING-NEWS புல்வாமா தாக்குதலில் தொடர்புடைய பயங்கரவாதிகள் இருவர் சுட்டுக்கொலை

அதிமுக ஆலோசனைக் கூட்டத்தில் அதிரடி தீர்மானங்கள்

action-resolutions-at-aiadmk-meeting

பரபரப்பான தமிழக அரசியல் சூழ்நிலையில் முதலமைச்சர் பழனிசாமி தலைமையில் இன்று நடைபெற்ற எம்எல்ஏ-க்கள் கூட்டத்தில் மொத்தமாக 4 தீர்மானங்கள் நிறைவேற்றப்பட்டுள்ளன.

அதிமுக-வில் ஓபிஎஸ்- இபிஎஸ் அணிகள் இணைந்துள்ள நிலையில் டிடிவி தினகரனுக்கு ஆதரவாக உள்ள எம்எல்ஏ-க்கள் முதலமைச்சரை நீக்கக் கோரி ஆளுநரிடம் கடிதம் கொடுத்துவிட்டு, புதுச்சேரியில் உள்ள விடுதியில் தங்கியுள்ளனர். இதனிடையே, அதிமுக-வின் பல்வேறு பொறுப்புகளில் இருந்து வரும் முதலமைச்சர் பழனிசாமி உள்பட பலபேரை அதிமுக அம்மா அணியின் துணை பொதுச் செயலாளர் டிடிவி தினகரன் அதிரடியாக நீக்கம் செய்து வருகிறார். அதற்கு பதிலாக அவருக்கு ஆதரவாக உள்ளவரை டிடிவி தினகரன் நியமனம் செய்து வருகிறார்.

இந்நிலையில் முதலமைச்சர் பழனிசாமி தலைமையில் அதிமுக எம்எல்ஏ-க்கள், எம்.பி.க்கள் கூட்டம் சென்னை ராயப்பேட்டையில் உள்ள கட்சி தலைமை அலுவலகத்தில் இன்று நடைபெற்றது. இதில் சுமார் 30-க்கும் அதிகமான எம்எல்ஏ-க்கள் பங்கேற்கவில்லை என கூறப்படுகிறது. கூட்டத்தில் மொத்தமாக 4 தீர்மானங்கள் நிறைவேற்றப்பட்டுள்ளன.  முதல் தீர்மானமாக தினகரனை கட்சியில் இருந்து ஒதுக்கி வைக்க முடிவு செய்யப்பட்டுள்ளது. சசிகலா நியமனத்தை தேர்தல் ஆணையம் அங்கீகரிக்காத நிலையில் அவரால் ஒருவர் துணைப் பொதுச் செயலாளராக நியமிக்கப்படுவதும், அவரால் நியமிக்கப்பட்டவர் கட்சிப் பணிகளில் ஈடுபடுவதும் சட்டப் விதிகளுக்கு புறம்பானது. எனவே கட்சியில் நிர்வாகிகளை நீக்கவோ, புதியவரை நியமிக்கவோ டிடிவி தினகரனுக்கு எந்தவித உரிமையும் தகுதியும் கிடையாது என தீர்மானம் நிறைவேற்றப்பட்டுள்ளது. 

ஜெயலலிதா புகழ்பாடும் அமைப்புகளாக நமது எம்ஜிஆரும், ஜெயா டிவியும் செயல்படுவதை உறுதி செய்ய நடவடிக்கை மேற்கொள்ளப்படும் என அடுத்த தீர்மானம் நிறைவேற்றப்பட்டுள்ளது. செயற்குழு, பொதுக்குழு உறுப்பினர்களின் கோரிக்கையை ஏற்று, விரைவில் பொதுக்குழு கூட்டப்படும் என மூன்றாவது தீர்மானம் நிறைவேற்றப்பட்டுள்ளது. இப்போதும், இனி வரும் காலங்களிலும், அதிமுக-வையும், அதன் அரசையும் காப்பாற்றிட இயன்ற அனைத்தையும் செய்ய 4-ஆவது தீர்மானம் நிறைவேற்றப்பட்டுள்ளது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close