[X] Close
JUST IN
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா
  • BREAKING-NEWS தமிழகத்தில் திராவிடக் கட்சிகளை யாராலும் வீழ்த்த முடியாது - தம்பிதுரை எம்.பி

ஆட்சியை கவிழ்க்க சூழ்ச்சி: எடப்பாடி பழனிசாமி குற்றச்சாட்டு

maneuver-against-governance-cm-palanisamy

ஆட்சியை கவிழ்க்க நடக்கும் சூழ்ச்சிகளை முறியடித்துக் கொண்டிருப்பதாக முதலமைச்சர் எடப்பாடி பழனிசாமி தெரிவித்துள்ளார்.

விழுப்புரம் மாவட்டம் கண்டமானடியில் எம்ஜிஆர் நூற்றாண்டு விழா நடைபெற்றது. விழாவிற்கு முன்னிலை வகித்த சட்டத்துறை அமைச்சர் சிவி சண்முகம், முதலமைச்சர் எடப்பாடி பழனிசாமி தலைமையிலான அரசு சிறப்பாக செயல்பட்டுவருவதாகக் கூறினார். விழாவில் சிறப்புரையாற்றிய முதலமைச்சர் எடப்பாடி பழனிசாமி, முன்னாள் முதலமைச்சர் எம்ஜிஆரின் சிறப்புகளை சிலாகித்து பேசினார்.

விழுப்புரம் மாவட்டம் உருவாகக் காரணமாக இருந்தவர் ஜெயலலிதா தான் என்று கூறிய முதலமைச்சர், அவரின் சாதனைகளை பட்டியலிட்டார். அவரது வழியில் நடக்கும் அரசை யாராலும் அசைக்க முடியாது என்றும் முதலமைச்சர் எடப்பாடி பழனிசாமி தெரிவித்தார். மேலும், விழுப்புரம் மாவட்டத்தில் ஆயிரம் கோடி ரூபாய் மதிப்பீட்டில் கடல்நீரை நன்னீராக்கும் திட்டம் செயல்படுத்தப்படும் என்றும் முதலமைச்சர் அறிவித்தார். விழுப்புரம் நகராட்சிக்கு உட்பட்ட புறநகர் பகுதிகளில் 198 கோடி ரூபாயில் பாதாள சாக்கடை திட்டம் விரிவாக்கம் செய்யப்படும் என்றும் முதலமைச்சர் கூறினார். விழாவில் அமைச்சர்கள் உள்ளிட்ட பலர் கலந்து கொண்டனர்.

பின்னர் செய்தியாளர்களிடம் பேசிய முதலமைச்சர், “140 ஆண்டுகாலம் இல்லாத வறட்சி காணப்படுகிறது. எங்களுடையே சவாலே குடிநீர் பிரச்னைதான். குடிநீர் பிரச்னையை தீர்க்க போர்க்கால அடிப்படையில் தமிழகம் முழுவதும் நிதி ஒதுக்கப்பட்டு நடவடிக்கை எடுக்கப்பட்டு வருகிறது. டெங்கு காய்ச்சலை பொறுத்தவரை மக்களுக்கு நல்ல முறையில் விழிப்புணர்வு ஏற்படுத்தப்பட்டு, ஆங்காங்கே தேங்கியுள்ள தண்ணீரை அகற்றவும் நடவடிக்கை எடுக்க அதிகாரிகளுக்கு அறிவுறுத்தப்பட்டுள்ளது” என்றார்.

ஓபிஎஸ் ஆர்ப்பாட்டம் அறிவிப்பு குறித்து பேசிய அவர், ஆர்ப்பாட்டம் நடத்த அனைவருக்கும் உரிமை உண்டு என்றார். ஆட்சியை கவிழ்க்கும் சூழ்ச்சிகள் நடைபெற்றுள்ளது. அதனை முறியடித்துக் கொண்டிருக்கிறோம் என்றும் முதலமைச்சர் பழனிசாமி தெரிவித்தார். மக்களுக்கு என்ன தேவை என்பதை உணர்ந்து அனைத்து அமைச்சர்களும் செயல்பட்டு வருவதாகவும் அவர் தெரிவித்தார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close