[X] Close
JUST IN
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா
  • BREAKING-NEWS தமிழகத்தில் திராவிடக் கட்சிகளை யாராலும் வீழ்த்த முடியாது - தம்பிதுரை எம்.பி

அவைக்கு வராத பாஜக எம்பிக்களுக்கு அமித்ஷா கண்டிப்பு

amit-shah-strictly-adheres-to-bjp-mps

நாடாளுமன்ற கூட்டத்தொடர் நடைபெறும் போது கண்டிப்பாக அவையின் உள்ளே இருக்க வேண்டும் என்று பா.ஜ.க. எம்.பி.களுக்கு அமித்ஷா உத்தரவிட்டுள்ளதாக தகவல்கள் தெரிவிக்கின்றன.

நாடாளுமன்ற மழைக்காலக் கூட்டத் தொடர் நடைபெற்று வரும் நிலையில், எதிர்க்கட்சிகள் பல்வேறு பிரச்சனைகளை எழுப்பி அமளியில் ஈடுபட்டு வருகின்றன. எதிர்க்கட்சிகளின் அமளிகளுக்கு நடுவே பல்வேறு மசோதாக்கள் திருத்தங்களுடன் நிறைவேற்றப்படுகிறது. இதில், தேசிய பிற்படுத்தப்பட்டோர் ஆணையம் தொடர்பான சட்ட திருத்த மசோதா நேற்று மாநிலங்களவையில் விவாதத்துக்கு வந்தது. விவாதம் முடிவடைந்து திருத்தங்கள் மீது வாக்கெடுப்பும் நடைபெற்றது.

வாக்கெடுப்பின் போது, பா.ஜ.க. தரப்பு எம்.பி.க்களின் எண்ணிக்கை குறைவாக இருந்தது. பா.ஜ.க மற்றும் அதன் கூட்டணி கட்சிகளைச் சேர்ந்த சுமார் 30 எம்.பி.க்கள் அவையில் இல்லை. இது எதிர்க்கட்சிகளுக்கு சாதகமாக மாறிவிட்டது. அவர்கள் கொண்டு வந்த திருத்தங்கள் பெரும்பான்மையுடன் நிறைவேறியது. இது பா.ஜ.க. தரப்புக்கு சங்கடமான நிலையை ஏற்படுத்தியது. 

இந்த நிலையில், பா.ஜ.க. நாடாளுமன்றக் குழு கூட்டம் இன்று காலை நடைபெற்றது. இந்த கூட்டத்தில், அவை நடைபெறும் போது கண்டிப்பாக உள்ளே இருக்க வேண்டும் என்று பா.ஜ.க. மாநிலங்களவை எம்.பி.களுக்கு அமித்ஷா வலியுறுத்தினார். கூட்டத்திற்குப் பிறகு செய்தியாளர்களிடம் பேசிய மத்திய நாடாளுமன்ற விவகாரங்களுக்கான அமைச்சர் அனந்த் குமார், "பா.ஜ.க. எம்.பி.க்கள்  நிச்சயம் அவையில் இருக்க வேண்டும். அவையில் எம்.பி.க்கள் இல்லாத விவகாரத்தை தலைவர் தீவிரமாக எடுத்துள்ளார். இது போன்று திரும்பவும் நடைபெறக் கூடாது” என்றார்.  

Advertisement:
Advertisement:
Advertisement:
[X] Close