[X] Close
JUST IN
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா
  • BREAKING-NEWS தமிழகத்தில் திராவிடக் கட்சிகளை யாராலும் வீழ்த்த முடியாது - தம்பிதுரை எம்.பி

அதிமுக அரசை முடிவுக்கு கொண்டுவர திமுக தயங்காது: ஸ்டாலின் எச்சரிக்கை

mk-stalin-warning-admk-government

முதலமைச்சர் எடப்பாடி பழனிசாமி தலைமையிலான அதிமுக ஆட்சியை முடிவுக்கு கொண்டு வர திமுக ஒரு போதும் தயங்காது என, அக்கட்சியின் செயல் தலைவர் மு.க.ஸ்டாலின் எச்சரிக்கை விடுத்துள்ளார்.

இது தொடர்பாக அவர் வெளியிட்டுள்ள அறிக்கையில், திமுக சார்பாக நீர்நிலைகளைத் தூர்வார அனுமதி வழங்கக்கூடாது என அனைத்து அதிகாரிகளையும் முதலமைச்சர் எடப்பாடி பழனிசாமி மிரட்டுவதாக தெரிவித்துள்ளார். ‌திமுகவின் தூர்வாரும் பணிகளை முதலமைச்சராக இருப்பவர் பாராட்டலாம் அல்லது அதற்கு மனமில்லை என்றால் அமைதி காக்கலாம் ‌என்றும், ‌அதைவிடுத்து நீர்நிலைகளில் தூர்வாரும் பணிகளை தடுக்கும் முதலமைச்சரை பெற்றது தமிழகத்திற்கு நேர்ந்த மாபெரும் விபத்து என விமர்சித்துள்ளார்.

‌தூர்வாரும் பணிகளை வைத்து திமுக அரசியல் செய்வதாக வாய்க்கு வந்தபடி முதலமைச்சர் பேசியிருப்பது கண்டனத்திற்குரியது என ஸ்டாலின் கூறியுள்ளார். மேலும், குடிமராமத்துப் பணிகள் குறித்த விசாரணைக்கு உத்தரவிட முதலமைச்சர் எடப்பாடி பழனிசாமி தயாரா? எனவும் சவால் விடுத்துள்ளார்.

குதிரை பேரம் மூலம் சட்டவிரோதமாக பெரும்பான்மையை நிரூபித்துள்ள முதலமைச்சர் எடப்பாடி பழனிசாமிக்கு, சட்டத்தின் ஆட்சி பற்றிப் பேச எந்த தார்மீக உரிமையும் இல்லை என சாடியுள்ளார். ஜனநாயக ரீதியாக போராட்டம் நடத்தும் திமுகவை மிரட்டிவிடலாம் என முதலமைச்சர் எடப்பாடி பழனிசாமி பகல் கனவு காண வேண்டாம் எனவும் கூறியுள்ளார். எடப்பாடி பழனிசாமி தலைமையிலான அதிமுக ஆட்சியை முடிவுக்கு கொண்டு வர திமுக ஒரு போதும் தயங்காது எனவும் மு.க.ஸ்டாலின் எச்சரிக்கை விடுத்துள்ளார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close