[X] Close
JUST IN
  • BREAKING-NEWS டெங்கு காய்ச்சலை பரப்பும் கொசு புழு உருவாகாமல் மக்கள் தடுக்க வேண்டும்: முதலமைச்சர் பழனிசாமி
  • BREAKING-NEWS மெர்சல் தயாரிப்பாளர், நடிகர்களை பாஜக மிரட்டுவதாக புகார் தெரிவித்து மார்க்சிஸ்ட் கம்யூ.கண்டனம்
  • BREAKING-NEWS சாதனை படைத்த மெர்சல்: ஒரே நாளில் ரூ.33 கோடி வசூல்
  • BREAKING-NEWS ஜிஎஸ்டியால் நாட்டில் பொருளாதார புரட்சி நடந்து வருகிறது: தமிழிசை சவுந்தரராஜன்
  • BREAKING-NEWS நான் ராஜினாமா செய்ததாக வெளியான தகவல் முற்றிலும் பொய்: திருநாவுக்கரசர்
  • BREAKING-NEWS ஜோசப் விஜயின் மோடி வெறுப்பே மெர்சல்: ஹெச். ராஜா
  • BREAKING-NEWS பொறையார் விபத்தில் உயிரிழந்தோரின் குடும்பத்துக்கு தலா ரூ.7.5 லட்சம் நிதியுதவி: முதலமைச்சர்
  • BREAKING-NEWS மெர்சலில் அரசியல் விமர்சனங்களை தொடங்கியிருப்பது சினிமாதுறைக்கும், அரசியலுக்கும் நல்லதல்ல: பொன்.ராதா
  • BREAKING-NEWS டெல்லியில் பட்டாசு வெடிக்க, விற்க உச்சநீதிமன்றம் தடை விதித்ததால் காற்று மாசு குறைந்தது
  • BREAKING-NEWS டெங்கு காய்ச்சல் பாதிப்பு குறித்து தமிழக அரசு வெள்ளை அறிக்கை வெளியிட வேண்டும்: திருமா
  • BREAKING-NEWS பொறையார் போக்குவரத்துக் கழகம் அருகே தொழிற்சங்கத்தினர் போராட்டம்
  • BREAKING-NEWS இந்தியாவின் நம்பகமான பிராண்ட் கூகுள்: ஆய்வில் தகவல்
  • BREAKING-NEWS பொறையார் அரசு போக்குவரத்துக்கழக கட்டட உயிரிழந்தவர்களில் 7 பேர் ஓட்டுநர், ஒருவர் நடத்துநர்: அமைச்சர் விஜயபாஸ்கர்
  • BREAKING-NEWS பொறையாரில் அரசுப் போக்குவரத்துக் கழக பணிமனை மேற்கூரை இடிந்து விபத்து; 8 பேர் உயிரிழப்பு
அரசியல் 29 Jul, 2017 07:24 PM

முதலமைச்சர் எடப்பாடி பழனிசாமி சொன்ன பசு-நரி கதை 

chief-minister-edappadi-palaniasamy

திருவண்ணாமலையில் நடைபெற்ற எம்ஜிஆர் நூற்றாண்டு விழாவில் பேசிய முதலமைச்சர் எடப்பாடி பழனிசாமி ஜெயலலிதா, தியாகத்துக்கு உதாரணமானவர் என்று கூறி பசு-நரி கதை ஒன்றைக் கூறினார். 

அவர் கூறிய பசு-நரி கதை: 

பசுக்கள் கூட்டம் ஒன்று காட்டுக்கு இரைதேடி பயணித்தது. பயணம் முடிந்து மாலையில் வீடு திரும்பிய பசுக் கூட்டத்தில் இருந்து நோய்வாய்ப்பட்ட பசு ஒன்று பின்தங்கியது. அதைப் பார்த்த நரியும், நரிக்குட்டி ஒன்றும் பசுவை இரையாக்க திட்டமிட்டன. இவ்வாறு எண்ணியவாறே பசுவைத் தாக்க நரிகள் முயன்றபோது, இதையறிந்த பசு, நரியிடம் விண்ணப்பம் ஒன்றை வைத்தது. அந்த பசு கூறுகையில், நரியாரே வீட்டில் எனது கன்று உள்ளது. இங்கு நீங்கள் என்னை இரையாக்கினால், எனக்கு என்னவானது என்று தெரியாமல் எனது கன்று தவிக்க நேரிடும். எனவே, வீட்டிற்கு சென்று கன்றிடம் தாயில்லாமல் எப்படி வாழ வேண்டும் என்று அறிவுரைகள் கூறி மீண்டும் இங்குவர அனுமதிக்க வேண்டும் என்று விண்ணப்பித்தது. இதைக் கேட்ட நரிகள் சிரித்தவாறே, யாரை ஏமாற்றப் பார்க்கிறாய். நீ வீட்டிற்கு சென்றுவிட்டால், மீண்டும் இங்குவர மற்ற பசுக்களும், உனது கன்றும் அனுமதிக்காது என்று கூறின. ஆனால் பசுவோ, சொன்ன சொல் தவறினால் அது எனது இனத்துக்கே இழுக்கை ஏற்படுத்தி விடும் என்று கூறி உருக்கமாக வேண்டியது. பசுவின் உருக்கமான வேண்டுகோளை கேட்ட நரிகள், வீட்டிற்கு செல்ல அனுமதித்தன. இதையடுத்து வீட்டுக்கு வந்த பசு, கன்றைக் கட்டித் தழுவி காட்டில் நடந்தவற்றைக் கூறியது. தாயில்லாமல் இந்த உலகத்தில் நல்ல பிள்ளையாய் வாழ வேண்டும் என்று அறிவுரை கூறி விடைபெற முயன்றது. ஆனால், பசுவை வழிமறித்த கன்று, அம்மா நீ இல்லாமல் என்னால் இந்த உலகத்தில் வாழ முடியாது; உன்னுடன் நானும் காட்டுக்கு வருகிறேன் என்று கூறியது. ஆனால், கன்றை சமாதானம் செய்த பசு காட்டுக்கு சென்றது. அங்கு, கன்று நரிகளிடம் பேசிக்கொண்டிருப்பதைக் கண்டு பசு அதிர்ச்சியடைந்தது. அருகில் சென்று பார்த்தபோது, நரிகளிடம் கன்று என்னையும் உங்களுக்கு இரையாக்கிக் கொள்ளுங்கள். எனது அம்மா இல்லாமல் நான் ஒருக்கணமும் வாழமுடியாது என்று கெஞ்சியதாம். இதைக் கேட்ட குட்டி நரி, அம்மா-பிள்ளை பாசம் என்றால் என்னவென்பதை இப்போது நான் புரிந்துகொண்டேன். இவர்களைக் கொல்லாமல் விட்டுவிட வேண்டும் என்று அம்மா நரியிடம் சொன்னதாம். இதைக் கேட்ட அம்மா நரி பசுவையும், கன்றையும் வணங்கி காட்டுக்குள் சென்று விட்டதாம்.

இப்படிக் கதை சொல்லி முடித்த முதலமைச்சர் எடப்பாடி பழனிசாமி, பசுவைப் போல் தியாகங்கள் செய்து அதிமுகவை வளர்த்தவர் முன்னாள் முதலமைச்சர் ஜெயலலிதா. அவரது குழந்தைகளான நாமும் தியாகங்கள் செய்து கட்சியை வளர்க்க வேண்டும் என்று கட்சியினரைக் கேட்டுக் கொண்டார். ஜெயலலிதா அம்மா பசு என்றும் கன்றுகள் தாங்கள் என்றும் குறிப்பிட்ட பழனிசாமி நரி என்று யார் எனக் குறிப்பிடவில்லை. 
 

Advertisement:
Advertisement:
Advertisement:
[X] Close