[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

டிடிவியின் கட்டுப்பாட்டில் அதிமுக: நாஞ்சில் சம்பத்

admk-is-in-ttv-dhinakaran-s-hand-nanjil-sampath

 

அதிமுக டிடிவி-யின் கட்டுப்பாட்டில் தான் உள்ளது என நாஞ்சில் சம்பத் தெரிவித்துள்ளார்.

சென்னையில் செய்தியாளர்களிடம் பேசிய அவர், "டிடிவி தினகரனுக்கு நாளுக்கு நாள் செல்வாக்கு பெருகி வருகிறது. இது தமிழகத்தில் யாரும் எதிர்பாராதது. அதிமுக எம்எல்ஏ-க்கள் மட்டுமில்லாமல், கழக நிர்வாகிகள் அனைவரும் டிடிவி தினகரன் தான் தலைமை ஏற்க வேண்டும், எங்களை வழிநடத்த வேண்டும் என கேட்டுக்கொண்டு வருகின்றனர். இதற்கான ஆற்றலும், அரவணைத்துச் செல்கிற குணமும், ஜனநாயக பண்பும், தமிழக அரசியலில் டிடிவி தினகரனுக்கு மட்டும் தான் இருக்கிறது. அதிமுக கட்சியும் தினகரனின் கட்டுப்பாட்டில் தான் உள்ளது. சந்தித்த எம்எல்ஏ-க்கள் மட்டுமில்லாமல் சந்திக்காதவரின் சிந்தையிலும் அவர் தான் இருக்கிறார்.


விரைவில் தேர்தல் வரும் என்று சொல்கிறவர்களின் எண்ணம் நிறைவேறபோவதில்லை. எந்தவித பேதமும், பிளவும் இல்லாமல் இரட்டை இலை சின்னத்தை மீட்டு, கட்சியையும், ஆட்சியையும் காப்பாற்ற டிடிவி தினகரன் எடுக்கிற முயற்சி வரும் காலத்தில் பொதுமக்கள் மத்தியில் நல்ல மதிப்பை ஏற்படுத்தும்" என்றார். அதிமுக தலைமை அலுவலத்திற்கு பணியாற்ற டிடிவி இன்று கூட போகலாம் என்று கூறி நாஞ்சில் சம்பத், ஓபிஎஸ், இதைப் பயன்படுத்திக் கொண்டு தேர்தல் ஆணையத்தையோ, சட்ட ரீதியாகவோ ஏதாவது பிரச்னையை உருவாக்க முயற்சிப்பார் எனவும் தெரிவித்தார். 
 

Advertisement:
இது தொடர்பான செய்திகள் :
Advertisement:
Advertisement:
[X] Close