[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

கோடை வெயிலுக்கு குளிர்ச்சி தரும் இளநீர் பாயாசம் - செய்வது எப்படி?

tender-coconut-water-payasam-how-to-prepare

தமிழர்கள் எந்த ஒரு பண்டிகையாக இருந்தாலும், இனிப்பில்லாமல் கொண்டாடுவது கிடையாது. நம் முன்னோர்கள் எல்லாம் தாங்கள் செய்யும் உணவுகளில் குறிப்பாக இனிப்புகளில் ஆரோக்கியம் உள்ளதையே பார்த்து பார்த்து சமைத்தனர். அந்த வகையில் ஆரோக்கியமுள்ள உணவுகளையே அதிகமாக சாப்பிட்டு வளர்ந்தவர்களும், நம் முன்னோர்கள். உணவே மருந்தென போற்றி பாதுகாத்து வளர்ந்ததுதான் நம் தமிழ் பாரம்பரியம். 

இளநீர் பாயாசம் இந்தக் கோடைக்காலத்திற்கு ரொம்ப நல்லது. உடலுக்கு நல்ல குளிர்ச்சி தரக்கூடியது. இளநீர் பாயாசம் எப்படி செய்வது?

தேவையான பொருட்கள்:

அடர்த்தியான (திக்கான) பசும் பால் - ஒன்றரை கப் 
அடர்த்தியான (திக்கான) தேங்காய் பால் - 1 கப்
இளநீர் வழுக்கை - அரை கப்
சர்க்கரை (அல்லது) நாட்டுச் சர்க்கரை - ஒன்றரை கப்
ஏலக்காய் (பொடித்தது) - 3

அரைக்க வேண்டியவை:

இளநீர் வழுக்கை - அரை கப்
இளநீர் (அ) தேங்காய் தண்ணீர் - முக்கால் கப்

செய்முறை:

1. முதலில் மிக்ஸியில் அரை கப் இளநீர் வழுக்கையையும், இளநீரையும் சேர்த்து நன்கு அரைக்கவும்.

2. பாலை நன்கு காய்ச்சி, கொதித்தவுடன் சர்க்கரை (அ) நாட்டுச் சர்க்கரையை சேர்த்து நன்கு கலக்கவும்.

3. பின், அடுப்பின் தீயை குறைத்து விட்டு சிம்மில் வைத்துக் கொள்ளவும். பால் நன்கு சுண்டி வரும் வரை காத்திருக்கவும்.

4. பால் சுண்டி வந்தவுடன், அடுப்பிலிருந்து இறக்கி ஆற விடவும். 

5. பால் நன்கு ஆறிய பின்பு அதில் அரைத்து வைத்த இளநீர் விழுதையும், ஏலக்காய் பொடியையும் சேர்த்து கலக்கி சிறிது நேரம் குளிர்சாதனப் பெட்டியில் வைத்து பிறகு சில்லுனு பரிமாறலாம்.

குறிப்பு:

1. இளநீர் நல்ல இளசா இருக்கும்படி பார்த்து வாங்கி கொள்ளவும்.
2. நெய்யில் வருத்த முந்திரி, பாதாம் போன்ற உலர் பழங்களை விருப்பப்பட்டால் சேர்த்துக் கொள்ளலாம்.
3. ஆடம்பரமாக இருக்க வேண்டும் என்றால், நாட்டுச் சர்க்கரைக்கு பதில் கண்டென்ஸ்டு மில்க் சேர்த்துக் கொள்ளலாம்.
4. பரிமாறுவதற்கு முன்பு மேற்புறம் இளநீர் வழுக்கை அரைக்காமல் சிறிது சேர்த்து பரிமாறவும்.

 

நன்றி: தர்ஷினி ராம்.

Advertisement:
Advertisement:
Advertisement:
[X] Close