[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

சித்திரை ஸ்பெஷல் ! மாங்காய் பச்சடி செய்வது எப்படி ?

chiththirai-special-how-to-prepare-mango-pachchadi

நம்மளோட நாக்கு அறுசுவைக்கு அடிமைப்பட்டு, பழக்கப்பட்டதுதான். கண்டிப்பாக சித்திரை சீசன்களில் கிடைக்கிற பல வகையான மாங்காய்களை வைத்து அறுசுவையும் கலந்த மாதிரி செய்கிற பச்சடி நம் உடலுக்கு ரொம்ப நல்லது. ஊர்ப் பக்கங்களில் இந்த மாங்காய் பச்சடியை சித்திரைத்திருநாள் ஸ்பெஷலாக செய்வார்கள். இப்போது மாங்காய் பச்சடி செய்வது எப்படி என்பதை பார்க்கலாம்.

தேவையான பொருட்கள்:
மாங்காய் - 250 கிராம்
வெல்லம் - 100 கிராம்
மிளகாய்த் தூள் - 2 தேக்கரண்டி
மஞ்சள் தூள் - கால் தேக்கரண்டி
நல்லெண்ணெய் - 2 தேக்கரண்டி
கடுகு - அரைத் தேக்கரண்டி

உளுத்தம்பருப்பு - 1 தேக்கரண்டி
கருவேப்பிலை - 2 கொத்து
வேப்பம்பூ (காய்ந்தது) - சிறிதளவு
உப்பு - சிறிதளவு   

செய்முறை:


முதலில் மாங்காயை நன்கு கழுவி எடுத்துக்கொண்டு, பின் விரல் நீளத்திற்கு சிறிது சிறிதாக நறுக்கிக்கொள்ளவும். வெல்லத்தை சுடுநீரில் கரைத்து, தூசியின்றி வடிகட்டிக் கொள்ளவும். ஒரு அடிகனமான பாத்திரத்தில், 2 தேக்கரண்டி அளவு நல்லெண்ணெயை ஊற்றிக்கொண்டு, எண்ணெய் காய்ந்ததும் கடுகு, உளுத்தம்பருப்பு, கருவேப்பிலை அதில் போட்டு தாளிக்க வேண்டும். அதில் மாங்காய் துண்டுகளைப் போட்டு நன்கு கலக்கி விட்டு பின் மஞ்சள்தூள், மிளகாய்த்தூள், உப்பு போட்டு சிறிது தண்ணீர் விட்டு வேக விடவும். பிறகு வெள்ளக்கரைசலை அதில் ஊற்றி சிறிது நேரம் வேக விடவும். நன்கு கொதித்து வந்த பிறகு காய்ந்த வேப்பம்பூக்களைப் போட்டு இறக்கவும்.

 

குறிப்பு:


1. அதிகமாக தண்ணீரை இதில் சேர்க்க வேண்டாம். புளிக்கரைசல் பதத்திற்கு வந்தவுடன் இறக்கவும்.

2. காய்ந்த வேப்பம்பூக்களை அருகிலுள்ள நாட்டு மருந்து கடைகளில் கிடைக்கும்

3. அறுசுவைகளும் கலந்த இந்த மாங்காய் பச்சடி உடலுக்கு மிகவும் நல்லது. 

4. ரசம் சாதத்திற்கும், தயிர் சாதத்திற்கும் உகந்த தொடுகறி.

5. குழந்தைகள் முதல் பெரியவர்கள் வரை அனைவரும் இதை உண்ணலாம்.

 

நன்றி: தர்ஷினி ராம்
 

Advertisement:
Advertisement:
Advertisement:
[X] Close