[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

விலைக்கு வாங்கப்பட்ட பாம்பு.. நெடுநாள் திட்டம்.. அறிக்கையால் வெளிச்சத்திற்கு வந்த கொலை..!

man-smothers-wife-with-pillow-tells-neighbours-she-was-bitten-by-snake-cops

மனைவியை கொன்றுவிட்டு, பாம்பு கடித்ததாக நாடகமாடிய கணவரை காவல்துறையினர் கைது செய்துள்ளனர்.

மத்திய பிரதேச மாநிலம் இந்தூர் பகுதியைச் சேர்ந்தவர் அமிதேஷ் பட்டாரியா(36). இவரது மனைவி சிவானி(35). இவர்கள் இருவருக்கும் திருமணமாகி இரண்டு குழந்தைகள் உள்ளனர். கடந்த ஞாயிற்றுக்கிழமை இரவு சிவானி தனது வீட்டில் பாம்பு கடித்து உயிரிழந்ததாக அவரது கணவர் தெரிவித்துள்ளார். எனினும் காவல்துறை விசாரணையில் அமிதேஷ் தனது மனைவியை கொன்றுவிட்டு நாடகமாடியது வெளிச்சத்திற்கு வந்துள்ளது. 

இதுதொடர்பாக காவல்துறை அதிகாரி அனில் சிங், “அமிதேஷ் என்ற நபர் கடந்த மாதம் 30-ஆம் தேதி இரவு தனது மனைவியை பாம்பு கடித்துவிட்டதாக மருத்துவமனையில் வந்து சேர்த்துள்ளார். இதனைத்தொடர்ந்து அவரது மனைவிக்கு நடத்தப்பட்ட பிரேத பரிசோதனையில் அவர் பாம்பு கடித்து இறக்கவில்லை என்று தெரியவந்தது. அவர் மூச்சு திணறி உயிரிழந்ததாக மருத்துவ அறிக்கை தெரிவித்தது. 

இதனையடுத்து நாங்கள் அமிதேஷை அழைத்து விசாரணை நடத்தினோம். இந்த விசாரணையில் தனது மனைவியை அவர் கொலை செய்ததை ஒப்புக் கொண்டுள்ளார். அமிதேஷ் மற்றும் அவரது மனைவி சிவானி இடையே கருத்து வேறுபாடு இருந்து வந்துள்ளது. இதனால்  மனைவியை கொலை செய்ய திட்டமிட்டுள்ளார். இதற்காக  பாம்பு ஒன்றை 11 நாட்களுக்கு முன்பு வாங்கி வீட்டில் வைத்துள்ளார். அத்துடன் இந்தக் கொலை தொடர்பாக அவரது தந்தை ஓம்பிரகாஷ் மற்றும் சகோதரி ரிச்சா சதுர்வேதி ஆகியோரிடம் தெரிவித்துள்ளார். அவர்கள் இருவரும் கொலை சம்பவம் நடந்த தினத்தன்று வீட்டை விட்டு வெளியே சென்றுள்ளனர். 

இதனால் வீட்டில் தனியாக இருந்த சிவானியை தலையணையை வைத்து நெரித்து அமிதேஷ் கொலை செய்துள்ளார். கொலை செய்த பிறகு தான் வாங்கி வைத்திருந்த பாம்பின் பல்லை சிவானியின் கையில் பதிய வைத்துள்ளார். அதன்பின்னர் தனது மனைவியை பாம்பு கடித்து விட்டதாக அக்கம் பக்கத்தினரிடம் நாடகம் ஆடியுள்ளார். இந்தக் கொலை சம்பவம் தொடர்பாக அமிதேஷ் மற்றும் அவரது தந்தை, சகோதரி ஆகிய மூவரும் கைது செய்யப்பட்டுள்ளனர்” எனத் தெரிவித்துள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close