[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

“உரிமைகள், கடமைகளை குறிப்பிட்டிருப்பதே அரசியலமைப்பின் சிறப்பு” - மோடி

time-now-to-focus-on-our-duties-pm-modi-on-constitution-day

குடிமக்களின் உரிமைகள் மற்றும் கடமைகளை குறிப்பிட்டு இருப்பதே இந்திய அரசியலமைப்பின் சிறப்பு என பிரதமர் நரேந்திர மோடி பெருமிதத்துடன் தெரிவித்துள்ளார். 

இந்திய அரசியலமைப்பு தினத்தை முன்னிட்டு நாடாளுமன்றத்தின் மைய மண்டபத்தில் மக்களவை மற்றும் மாநிலங்களவை கூட்டுக்குழு கூட்டம் நடைபெற்றது. இந்தக் கூட்டத்தில் குடியரசுத் தலைவர் ராம்நாத் கோவிந்த், குடியரசு துணைத் தலைவர் வெங்கைய நாயுடு, பிரதமர் நரேந்திர மோடி, மக்களவை சபாநாயகர் ஓம் பிர்லா, மக்களவை மற்றும் மாநிலங்களவை உறுப்பினர்கள் கலந்து கொண்டனர். 

நிகழ்ச்சியில் பேசிய பிரதமர் நரேந்திர மோடி, இந்திய அரசியலமைப்பு சாசனத்தில் குடிமக்களின் உரிமைகள் மற்றும் கடமைகள் குறிப்பிடப்பட்டுள்ளது என்றும், அதுவே அரசியலமைப்பின் சிறப்பு எனவும் பெருமிதத்துடன் தெரிவித்தார். மேலும் அரசியலமைப்பில் குறிப்பிடப்பட்டுள்ள கடமைகளை குடிமக்களாகிய நாம் நிறைவேற்றுகிறோமா என்பதை சிந்தித்து பார்க்க வேண்டும் எனவும் பிரதமர் கேட்டுக்கொண்டார். 

குடியரசு தலைவர் ராம்நாத் கோவிந்த் ஆற்றிய உரையில், 70ஆம் ஆண்டு இந்திய அரசியலமைப்பு தின நாளில் அனைத்து குடிமக்களுக்கும் தனது வாழ்த்துகளை தெரிவித்துக்கொண்டார். மேலும் அரசியலமைப்பின் வெற்றி மக்கள் மற்றும் அரசியல் கட்சிகள் நடந்துகொள்வதை பொறுத்தது என்று அம்பேத்கர் பேசியதை குடியரசுத் தலைவர் தன் உரையின் போது மேற்கொள் காட்டினார்.

இந்தக் கூட்டத்தை காங்கிரஸ் புறக்கணித்ததோடு, மகாராஷ்டிரா விவகாரம் தொடர்பாக நாடாளுமன்ற வளாகத்தில் ஆர்ப்பாட்டத்தில் ஈடுபட்டனர். முன்னாள் பிரதமர் மன்மோகன் சிங் உள்ளிட்டோர் இதில் கலந்து கொண்டனர். 

Advertisement:
இது தொடர்பான செய்திகள் :
Advertisement:
Advertisement:
[X] Close