[X] Close
JUST IN
  • BREAKING-NEWS ஜெயலலிதாவின் வாழ்க்கை வரலாறு குறித்த படம் மற்றும் தொடரை வெளியிட தடையில்லை: சென்னை உயர்நீதிமன்றம்
  • BREAKING-NEWS அயோத்தி வழக்கில் சீராய்வு மனுக்கள் அனைத்தையும் தள்ளுபடி செய்தது உச்ச நீதிமன்றம்
  • BREAKING-NEWS விருதுநகர் அருகே பஞ்சாயத்து தலைவர் பதவி ஏலம் விடப்படுவதை தடுத்த இளைஞர் அடித்துக்கொலை: 7 பேர் கைது
  • BREAKING-NEWS சிறார்களின் ஆபாச வீடியோக்களை முகநூலில் பதிவேற்றம் செய்த ஏசி மெக்கானிக் திருச்சியில் கைது
  • BREAKING-NEWS தெலங்கானா என்கவுன்ட்டர் விவகாரத்தில் நீதி விசாரணைக்கு உச்சநீதிமன்றம் உத்தரவு

மாவட்ட நீதிமன்றங்களில் 3.14 கோடி வழக்குகள் நிலுவை: சட்டத் துறை அமைச்சகம்

three-core-are-pending-in-all-over-district-court-in-india

நாடு முழுவதிலும் உள்ள மாவட்ட நீதிமன்றங்களில் சுமார் 3 கோடியே 14 லட்சம் வழக்குகள் நிலுவையில் உள்ளதாக மத்திய சட்டத்துறை அமைச்சகம் தெரிவித்துள்ளது.

நாடு முழுவதிலும் உள்ள நீதிமன்றங்களில் நிலுவையில் உள்ள வழக்குகளின் எண்ணிக்கை குறித்து மக்களவையில் கேட்கப்பட்ட கேள்விக்கு, மத்திய சட்டத்துறை அமைச்சகம் எழுத்துப்பூர்வமாக பதில் அளித்துள்ளது. அதில், நாட்டில் உள்ள அனைத்து மாவட்ட நீதிமன்றங்களில் 3 கோடியே 14 லட்சத்து 53 ஆயிரத்து 555 வழக்குகள் நிலுவையில் இருப்பதாகத் தெரிவிக்கப்பட்டுள்ளது.

இதில் பத்து ஆண்டுகளுக்கும் மேலாகியும் 23 லட்சத்து 90 ஆயிரத்து 715 வழக்குகள் நிலுவையில் இருப்பதாக தெரிவிக்கப்பட்டுள்ளது. தமிழ்நாட்டில் மட்டும் பத்து ஆண்டுகளுக்கும் மேலாக 34 ஆயிரத்து 37 வழக்குகள் நிலுவையில் இருப்பதாக கூறப்பட்டுள்ளது. நாட்டிலேயே அதிகபட்சமாக உத்தரப்பிரதேச மாநிலத்தில் தான் சுமார் 9 லட்சம் வழக்குகள் 10 ஆண்டுகளுக்கு மேலாகியும் இன்னும் விசாரிக்கப்படாமல் நிலுவையில் இருந்து வருவதாகவும் தெரிவிக்கப்பட்டுள்ளது. 

மத்திய பிரதேசம், மேற்கு வங்கம், பீகார், குஜராத், ஒடிசா உள்ளிட்ட மாநிலங்களில் உள்ள மாவட்ட நீதிமன்றங்களில் லட்சக்கணக்கில் வழக்குகள் 10 ஆண்டுகளாக நிலுவையில் இருந்து வருவதாகவும் தெரிவிக்கப்பட்டுள்ளது. இதைத்தவிர, நாடு முழுவதிலும் உள்ள உயர்நீதிமன்றங்களில் 44 லட்சத்து 76 ஆயிரத்து 625 வழக்குகள் நிலுவையில் இருந்து வருகிறது. உச்சநீதிமன்றத்தை பொறுத்தவரை சுமார் 60 ஆயிரம் வழக்குகள் நிலுவையில் இருந்து வருவதாகவும் தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close