[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

ஹரியானாவில் பாஜகவுக்கு அதிர்ச்சி அளிக்கும் காங்கிரஸ் - வெல்லப்போவது யார்?

the-congress-and-bjp-are-heading-for-an-extremely-close-battle-in-haryana-as-of-9-30-the-bjp-is-leading-on-37-seats-while-the-congress-is-leading-on-35-seats

ஹரியானா சட்டப்பேரவை தேர்தலில் ஆளும் பாஜக மற்றும் காங்கிரஸ் இடையே கடும் போட்டி நிலவி வருகின்றது.

மகாராஷ்டிரா மற்றும் ஹரியானா சட்டப்பேரவை தேர்தலுக்கான வாக்கு எண்ணிக்கை விறுவிறுப்பாக நடைபெற்று வருகின்றன. மகாராஷ்டிராவில் ஆளும் பாஜக கூட்டணி 175 இடங்களிலும், காங்கிரஸ் கூட்டணி 90 இடங்களிலும் முன்னிலை பெற்றுள்ளன. அதனால், பாஜக கூட்டணி வெற்றியை நோக்கி சென்று கொண்டிருக்கிறது.

ஆனால், 90 தொகுதிகளைக் கொண்ட ஹரியானா மாநிலத்தில் ஆளும் பாரதிய ஜனதா மற்றும் காங்கிரஸ் இடையே கடும்ப் போட்டி நிலவுகிறது. 9.30 மணி நிலவரப்படி பாஜக 37 இடங்களிலும், காங்கிரஸ் 35 இடங்களிலும் முன்னிலை வகிக்கின்றன. இந்திய தேசிய லோக் தளம் கூட்டணி எதிர்பார்த்த அளவிற்கு இடங்களை பிடிக்கவில்லை.

2014 சட்டசபை தேர்தலில் பாஜக 47 இடங்களில் வென்றிருந்தது. இந்திய தேசிய லோக் தளம் 19 இடங்களை கைப்பற்றி இருந்தது. ஆனால், காங்கிரஸ் கட்சி வெறும் 15 இடங்களில் மட்டுமே வென்றிருந்தது. 

                          

இந்நிலையில், இந்த தேர்தலில் காங்கிரஸ் கட்சி 30 இடங்களுக்கு மேல் முன்னிலையில் உள்ளது. ஹரியானாவில் ராகுல் அதிக அளவிலான கூட்டங்களில் பங்கேற்று தீவிர பிரச்சாரத்தை மேற்கொண்டார். காங்கிரஸ் கட்சி ஆட்சி அமைப்பதற்கான மெஜாரிட்டியை பெறும் என்று முன்னாள் முதல்வர் புபிந்தர் சிங் ஹூடா தெரிவித்தார்.

ஹரியானாவில் பாஜக அதிக இடங்களை கைப்பற்றி ஆட்சியை பிடிக்கும் என தேர்தலுக்குப் பிந்தைய பெரும்பாலான கருத்துக் கணிப்புகள் தெரிவித்தன. ஆனால், ஒரே ஒரு செய்தி நிறுவனம் மட்டுமே பாஜக - காங்கிரஸ் இடையே போட்டி நிலவும் என தெரிவித்திருந்தது. தற்போது அந்தக் கருத்து கணிப்புதான் உண்மையாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close