[X] Close
JUST IN
  • BREAKING-NEWS இலங்கையில் 8வது அதிபரை தேர்வு செய்வதற்கான தேர்தலில் 81.52% வாக்குகள் பதிவாகியுள்ளன
  • BREAKING-NEWS ரிலையன்ஸ் கம்யூனிகேஷன் நிறுவனத்தின் இயக்குநர் பொறுப்பில் இருந்து அனில் அம்பானி ராஜினாமா செய்தார்
  • BREAKING-NEWS கேரளா: மண்டல பூஜைக்காக சபரிமலை ஐயப்பன் கோயிலில் நடை திறப்பு
  • BREAKING-NEWS இலங்கை அதிபர் தேர்தல் வாக்குப்பதிவு நிறைவு
  • BREAKING-NEWS இலங்கை அதிபர் தேர்தல் வாக்குப்பதிவு: 4 மணி நேரத்தில் 50 சதவிகிதத்திற்கும் மேல் வாக்குகள் பதிவானதாக தகவல்
  • BREAKING-NEWS கோவாவில் மிக் ரக பயிற்சி விமானம் விழுந்து நொறுங்கியது: விமானிகள் இருவரும் பாதுகாப்பாக தப்பினர்
  • BREAKING-NEWS கனமழை காரணமாக நெல்லை நடுவக்குறிச்சி குளக்கரையில் பல இடங்களில் உடைப்பு

மற்றொரு கொலை வழக்கில் மீண்டும் கைதான ‘மட்டன் சூப்’ ஜூலி

mutton-soup-jolly-again-arrested

தொடர் சயனைடு கொலை வழக்கில் கைதாகியுள்ள ஜூலியின் ஜாமீன் மனுவை தள்ளுபடி செய்து, தாமரைச்சேரி குற்றவியல் நடுவர் நீதிமன்றம் உத்தரவிட்டுள்ளது. 

கேரள மாநிலம் கோழிக்கோடு மாவட்டத்தில் உள்ள கூடத்தாயி என்ற கிராமத்தைச் சேர்ந்தவர் ஜூலி தாமஸ். பெற்றோர் கட்டாயத்தின் பேரில் ராய் தாமஸ் என்பவரை திருமணம் செய்து கொண்டார் ஜுலி. ஜூலியின் குடும்பத்தில் கடந்த 14 ஆண்டுகளாக பலர் மர்மமான முறையில் உயிரிழந்தனர். ஜூலியின் மாமியார் அன்னம்மாவில்(2002) தொடங்கிய இந்த மர்ம மரணம், மாமனார் டாம் தாமஸ்(2008), கணவர் ராய் தாமஸ்(2011), அன்னம்மாவின் சகோதரர் மேத்யூ(2014) என தொடர்ந்தது. ஜூலி மாமனாரின் அண்ணன் மகன் சாஜூவின் மனைவி சிலி மற்றும் அவரது 10 மாத பெண் குழந்தை 2016-இல் உயிரிழந்தனர்.

தொடர்ச்சியான இந்த உயிரிழப்புகள் அதிர்ச்சியை ஏற்படுத்தியது. இந்த உயிரிழப்புகளுக்கு இடையே, 2017-ஆம் ஆண்டு ஜூலியும் சாஜூவும் திருமணம் செய்து கொண்டனர். அப்போதுதான், டாம் தாமஸின் இளைய மகனுக்கு சந்தேகம் எழுந்தது. இதனையடுத்து, போலீஸ் விசாரணை தீவிரப்படுத்தப்பட பல திடுக்கிடும் தகவல்கள் வெளியானது. ஜூலி குடும்பத்தில் உள்ளவர்கள் இரவு உணவுக்குப்பின் சூப் சாப்பிடுவது வழக்கம். அதைப் பயன்படுத்தி அனைவரையும் கொலை செய்ய ஜூலி திட்டம் தீட்டியது வெளிச்சத்திற்கு வந்தது. இந்த கொலைகள் அனைத்தும் சொத்துக்காகவும் தான் விரும்பிய சாஜூவை திருமணம் செய்வதற்காகவும் ஜூலி நிகழ்த்தியுள்ளார். மட்டன்சூப்பில் சயனைடு கலந்து இந்த கொலைகளை அவர் செய்துள்ளார். இந்த சீரியல் கொலை தொடர்பாக ஜூலியை கைது செய்து, கேரள சிறப்பு புலனாய்வு போலீசார் விசாரணை மேற்கொண்டு வருகின்றனர். 

இந்நிலையில் கடந்த வெள்ளிகிழமையோடு ஜூலியின் போலீஸ் காவல் முடிவடைந்தது. இதையடுத்து ஜூலி, தனது தற்போதையை கணவர் சாஜூவின் முதல் மனைவியை சயனைடு கொடுத்து கொலை செய்த வழக்கில் கைது செய்யப்பட்டு, விசாரணைக்காக மீண்டும் போலீஸ் காவலில் எடுக்கப்பட்டுள்ளார்.

இதற்காக அவர் கோழிக்கோடு மாவட்டம் தாமரைசேரிப் குற்றவியல் நீதிமன்றத்தில் ஆஜர்படுத்தப்பட்டார். அவருக்கு ஏழு நாட்கள் போலீஸ் காவல் வழக்கி தாமரைசேரி குற்றவியல் நடுவர் நீதிமன்றம் உத்தரவிட்டுள்ளது. மேலும் ஜூலியின் ஜாமீன் மனுவை தள்ளுபடி செய்து தாமரைசேரி குற்றவியல் நடுவர் நீதிமன்றம் உத்தரவிட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close