[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

ஐரோப்பிய ஒன்றியத்துக்கும், பிரிட்டனுக்கும் இடையே உடன்பாடு - பிரதமர் போரிஸ் ஜான்சன்

britain-clinches-brexit-deal-pm-boris-johnson-now-faces-parliament-hurdle

ஐரோப்பிய ஒன்றியத்துக்கும், பிரிட்டனுக்கும் இடையே பிரெக்ஸிட் தொடர்பாக புதிய உடன்பாடு எட்டப்பட்டுள்ளதாக பிரிட்டன் பிரதமர் போரிஸ் ஜான்சன் தெரிவித்துள்ளார்.

ஐரோப்பிய ஒன்றியத்தில் இருந்து பிரிட்டன் விலகுவதற்கான பிரெக்ஸிட் மசோதாவிற்கு அந்நாட்டு நாடாளுமன்றத்தில் ஒப்புதல் பெற முடியாத காரணத்தால் பிரதமராக இருந்த தெரசா மே பதவி விலகினார். தெரசா மே பதவி விலகியதையடுத்து பிரிட்டனின் வெளியுறவுத்துறை அமைச்சராக இருந்த போரிஸ் ஜான்சன் பிரதமராக பதவியேற்றார். அதன்பிறகு பிரெக்ஸிட் விவகாரம் குறித்து நாடாளுமன்றத்தில் நடைபெற்ற வாக்கெடுப்பில் போரிஸ் ஜான்சன் பெரும்பான்மையை இழந்தார். இத‌னையடுத்து பேசிய பிரிட்டன் பிரதமர் போரிஸ் ஜான்சன், மசோதா நிறைவேற்றப்பட்டாலும், நிறைவேற்றப்படவில்லை என்றாலும் அக்டோபர் 31ஆம் தேதிக்குள் ஐரோப்பிய யூனியனிலிருந்து பிரிட்டன் விலகுவது உறுதி என தெரிவித்திருந்தார்.

இந்நிலையில் பெல்ஜியம் தலைநகர் பிரஸ்ஸல்சில் நடைபெற்ற பேச்சுவார்த்தையில் ஐரோப்பிய ஒன்றியத்துக்கும், பிரிட்டனுக்கும் இடையே உடன்பாடு எட்டப்பட்டதாக பிரதமர் போரிஸ் ஜான்சன் தெரிவித்துள்ளார். இதுதொடர்பாக பதிவிட்டுள்ள போரிஸ் ஜான்சன், புதிய ஒப்பந்தம் தொடர்பாக விவாதிப்பதற்காக, பிரிட்டன் நாடாளுமன்றம் வரும் சனிக்கிழமை கூடுகிறது என்றும் நாடாளுமன்ற ஒப்புதலுக்கு பிறகு பிரெக்ஸிட் நடைமுறைக்கு வரும் என்றும் குறிப்பிட்டுள்ளார்.

பிரெக்ஸிட் விவகாரத்தில் நீண்ட காலம் இழுபறி நீடித்த நிலையில், தற்போது ஏற்பட்டுள்ள உடன்பாடு மூலம் ஐரோப்பிய ஒன்றியத்தில் இருந்து பிரிட்டன் சுமுகமாக வெளியேறும் நிலை ஏற்படும் என எதிர்பார்க்கப்படுகிறது.

Advertisement:
Advertisement:
Advertisement:
[X] Close