[X] Close
JUST IN
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை
  • BREAKING-NEWS தமிழகத்தின் 33-வது மாவட்டமாக உதயமானது தென்காசி
  • BREAKING-NEWS தமிழ்நாட்டில் விரைவில் உள்ளாட்சித் தேர்தல்: முதலமைச்சர் எடப்பாடி பழனிசாமி

2,000 ரூபாய் நோட்டுகள் அச்சிடுவது நிறுத்தம்: ரிசர்வ் வங்கி..!

printing-of-rs-2-000-notes-stopped-reveals-rti

இரண்டாயிரம் ரூபாய் தாள்கள் அச்சிடுவதை நிறுத்திவிட்டதாக ரிசர்வ் வங்கி தெரிவித்துள்ளது. கள்ளநோட்டுகள் புழக்கத்தை தடுக்க உயர்மதிப்புள்ள ரூபாய் நோட்டுகளை அச்சிடுவது நிறுத்தம் செய்யப்பட்டுள்ளதை வரவேற்பதாக பொருளாதார நிபுணர்கள் தெரிவிக்கின்றனர்.

சமீபகாலமாக 2 ஆயிரம் ரூபாய் தாள்களின் புழக்கம் குறைந்திருப்பதற்கான காரணம் குறித்து ‘த நியூ இந்தியன் எக்ஸ்பிரஸ்’ நாளிதழ் ஒன்று தகவல் அறியும் உரிமைச் சட்டத்தின் கீழ் ரிசர்வ் வங்கியிடம் தகவல் கேட்டு விண்ணப்பித்திருந்தது. அதற்கு, 2 ஆயிரம் ரூபாய் நோட்டுகளை அச்சிடுவதை நிறுத்திவிட்டதாக ரிசர்வ் வங்கி பதிலளித்துள்ளது.

மேலும், கடந்த 2016-ஆம் ஆண்டு நவம்பர் மாதத்தில் பணமதிப்பு இழப்பு நடவடிக்கை மேற்கொண்டதைத் தொடர்ந்து, அந்த நிதியாண்டில் சுமார் 354 கோடி எண்ணிக்கையில் 2 ஆயிரம் ரூபாய் நோட்டுகள் அச்சிட்டதாக ரிசர்வ் வங்கி தெரிவித்துள்ளது. தொடர்ந்து, அடுத்தடுத்து வந்த ஆண்டுகளில் 2 ஆயிரம் ரூபாய் தாள்கள் அச்சிடுவது படிப்படியாக குறைக்கப்பட்டதாக ரிசர்வ் வங்கி தெரிவித்துள்ளது.

2017-18-ஆம் நிதியாண்டில் சுமார் 11 கோடி ‌எண்ணிக்கையிலான 2 ஆயிரம் ரூபாய் தாள்களும், கடந்த நிதியாண்டில் 4 கோடி எண்ணிக்கையிலான ரூபாய் தாள் மட்டுமே அச்சிட்டதாக தெரிவித்துள்ளது. நடப்பு நிதியாண்டில் இதுவரை ஒரு 2 ஆயிரம் ரூபாய்‌ தாள் கூட அச்சிடப்படவில்லை என ரிசர்வ் வங்கி விளக்கம் அளித்துள்ளது. உயர்மதிப்பு ரூபாய் தாள்களை திடீரென செல்லாது என அறிவிக்காமல், படிப்படியாக புழக்கத்தை குறைப்பதால் பொதுமக்களுக்கு எந்த பாதிப்பு ஏற்படாது என பொருளாதார நிபுணர்கள் தெரிவிக்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close