[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

ஆறிய பகையை கீறியது ஆட்டுப்புழுக்கை: துப்பாக்கிச் சூடு வரை போன மோதல்!

shots-fired-firs-lodged-as-goat-poop-lights-old-rivalry

எதிரி வீட்டுக்குள் ஆட்டுக்குட்டி புழுக்கைப் போட்டதை அடுத்து எழுந்த மோதல், துப்பாக்கிச்சூடு வரை சென்ற சம்பவம் பரபரப்பை ஏற்படுத்தியுள்ளது. 

உத்தரபிரதேச மாநிலம் எடா மாவட்டம் ஜைத்ரா அருகில் உள்ள கிராமத்தைச் சேர்ந்தவர் யோகேஷ். இவரது பக்கத்து வீட்டில் வசிப்பவர் சுக்வீர். இருவருக்கும் சொத்துப் பிரச்னை காரணமாக பலவருட பகை. இதனால் பேச்சுவார்த்தை இல்லை. எப்போதும் முறைத்துக் கொண்டு அலைவது வழக்கமாம். இந்தப் பகை கொஞ்சம் கொஞ்சமாக ஆறிக்கிடந்த நிலையில் அதைக் கீறி விட்டது ஓர் ஆடு.

கடந்த செவ்வாய்க்கிழமை, சுக்வீருக்குச் சொந்தமான ஆடு ஒன்று எதிரியான யோகேஷ் வீட்டுக்குச் சென்றது. சென்றாலும் பரவாயில்லை, அங்கு ஆட்டுப்புழுக்கைகளை போட்டுவிட்டு ஹாயாக வாயை அசைத்தபடி வந்துவிட்டது. போதாதா மல்லுக்கட்ட? கொதித்தெழுந்தார் யோகேஷ். 

‘உன் ஆடு எப்படி என் வீட்டுக்குள்ள வந்து புழுக்கைப் போடலாம்?’ என்று யோகேஷ் ஆக்ரோஷமாகக் கத்த, ’அது வாயில்லா ஜீவன், அது தெரியாம வந்ததுக்காக வம்புக்கு இழுப்பியா?’ என்று சுக்வீரும் வரிந்துகட்ட, கூடி விட்டது தெரு. சுக்வீர் ஆதரவாளர்களும் யோகேஷ் ஆதரவாளர்களும் திரண்டு அடிதடியில் இறங்கினர். கம்புகளால் தாக்கிக் கொண்ட அவர்கள் பிறகு துப்பாக்கியால் சுட்டுக்கொண்டனர். சினிமாவில் வருவது போல இருவரும் மாறி மாறித் துப்பாக்கியால் சுட்டுத்தள்ள, ஊருக்குள் பீதி ஏற்பட்டது. சிலர் காயமடைந்தனர்.

ஜைத்ரா போலீசுக்கு தகவல் போனது. அவர்கள் விரைந்து வந்து மோதலில் ஈடுபட்டவர்களை பிடிக்க முயன்றனர். ஆனால், தப்பியோடி விட்டனர்.

இதுபற்றி எடா எஸ்.பி. சுனில் குமார் சிங் கூறும்போது, ‘இந்த தாக்குதல் தொடர்பாக யோகேஷ், சுக்வீர் உட்பட ஏழு பேர் மீது வழக்குப் பதிவு செய்துள்ளோம். 4 பேர் கைது செய்யப்பட்டுள்ளனர். இரண்டு குடும்பத்தினரிடம் இருந்தும் நாட்டுத் துப்பாக்கிகள் கைப்பற்றப்பட்டுள்ளன. விசாரணை நடத்து வருகிறது’ என்றார். 

ஆடு புழுக்கைப் போட்டதற்காக துப்பாக்கியால் சுட்டுக்கொண்ட சம்பவம் அந்தப் பகுதியில் பரபரப்பை ஏற்படுத்தியுள்ளது.
 

Advertisement:
இது தொடர்பான செய்திகள் :
Advertisement:
Advertisement:
[X] Close