[X] Close
JUST IN
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS நாங்குநேரி, விக்கிரவாண்டி பேரவை தொகுதிகளில் இடைத்தேர்தலுக்கான வாக்குப்பதிவு காலை 7 மணிக்கு தொடங்கியது
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

கர்நாடக அதிருப்தி முன்னாள் எம்எல்ஏக்கள் தொடர்பான வழக்கு... உச்சநீதிமன்றம் நாளை விசாரணை

karnataka-rebel-former-mla-s-case-sc-hear-tomorrow

கர்நாடகாவில் முந்தைய ஆட்சி கவிழக் காரணமான 15 அதிருப்தி முன்னாள் எம்எல்ஏக்கள் தொடர்பான வழக்கில் உச்ச நீதிமன்றம் நாளை விசாரணை நடத்தவுள்ளது.

கர்நாடகாவில் முந்தைய காங்கிரஸ், மதச்சார்பற்ற ஜனதா தள அரசுக்கு ஆதரவை வாபஸ் பெற்ற 15 அதிருப்தி எம்எல்ஏக்களை அப்போதைய சபாநாயகர் ரமேஷ்குமார் தகுதி நீக்கம் செய்தார். அந்த இடங்களுக்கு அக்டோபர் 21-ஆம் தேதி இடைத்தேர்தலை தேர்தல் ஆணையம் அறிவித்துள்ளது. அதில் போட்டியிட வேட்புமனு தாக்கல் செய்ய வருகிற 30-ஆம் தேதி கடைசி நாளாகும்.

இந்நிலையில், பாரதிய ஜனதா ஆட்சி அமையக் காரணமாக இருந்த அந்த 15 பேரையும் இடைத்தேர்தலில் அதே தொகுதிகளில் நிறுத்த அக்கட்சி உறுதி அளித்திருந்ததாக கூறப்படுகிறது. த‌குதி நீக்க உத்தரவில், அவர்கள் 4 ஆண்டுகளுக்கு போட்டியிட அப்போதைய சபாநாயகர் தடை விதித்திருந்தார். அந்த உத்தரவை எதிர்த்து 15 பேரும் தொடர்ந்த வழக்கு உச்ச நீதிமன்றத்தில் நிலுவையில் இருப்பதால், அவர்களை வேட்பாளராக அறிவிப்பதில் பாரதிய ஜனதாவுக்கு சிக்கல் உள்ளது.

இந்நிலையில், அந்த வழக்கு நாளை விசாரணைக்கு வரவுள்ளது. அதில் தகுதி நீக்கம் செல்லாது என்று அறிவித்தாலோ, அல்லது இடைக்கால தடை விதித்தாலோ மட்டுமே அவர்கள் மீண்டும் தேர்தலில் போட்டியிட முடியும் என்பதால், உச்ச நீதிமன்றத்தின் உத்தரவை எதிர்பார்த்துள்ளனர். இதற்கிடையே, டெல்லி சென்ற கர்நாடக முதல்வர் எடியூரப்பா, உள்துறை அமைச்சர் அமித் ஷாவை சந்தித்துப் பேசினார். பின்னர் செய்தியாளர்களை சந்தித்த எடியூரப்பா, இடைத்தேர்தலை தேர்தல் ஆணையம் அறிவித்துள்ள நிலையில், சாதகமான தீர்ப்பை எதிர்பார்க்கிறோம் என்று தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close