[X] Close
JUST IN
  • BREAKING-NEWS மூச்சுத்திணறல் காரணமாக பிரபல பாடகி லதா மங்கேஷ்கர் மருத்துவமனையில் அனுமதி!
  • BREAKING-NEWS ஆட்சி அமைக்க ஆதரவு? - உத்தவ் தாக்கரே உடன் சோனியா காந்தி தொலைபேசி உரையாடல்
  • BREAKING-NEWS சிவசேனா ஆட்சியமைத்தால் காங்கிரஸ் வெளியிலிருந்து ஆதரவு தர முடிவு எனத் தகவல்
  • BREAKING-NEWS சென்னை உயர்நீதிமன்ற தலைமை நீதிபதியாக ஏ.பி.சாஹி பதவியேற்பு
  • BREAKING-NEWS சிவசேனாவை சேர்ந்த அரவிந்த் சாவந்த் தனது மத்திய அமைச்சர் பொறுப்பை ராஜினாமா செய்வதாக அறிவிப்பு
  • BREAKING-NEWS மகாராஷ்டிராவில் ஆட்சி அமைக்க வருமாறு சிவசேனாவுக்கு ஆளுநர் அழைப்பு
  • BREAKING-NEWS முன்னாள் இந்திய தலைமை தேர்தல் ஆணையர் டி.என்.சேஷன் காலமானார்

கர்நாடகாவில் பட்டியலின எம்.பி.யை கிராமத்திற்குள் அனுமதிக்காத அவலம் !

karnataka-dalit-mp-denied-entry-in-golla-village-locals-say-he-is-untouchable

கர்நாடகாவில் பட்டியலின எம்பி ஒருவர் கிராமத்திற்குள் நுழைய அப்பகுதி மக்கள் அனுமதிக்கவில்லை. 

கர்நாடகா மாநிலத்தின் சித்தர துர்கா பகுதியை சேர்ந்த எம்பி ஏ.நாராயணசாமி. இவர் இந்தத் தொகுதியில் பாஜக சார்பில் போட்டியிட்டு வெற்றிப் பெற்றார். இவர் தனது தொகுதிக்கு உட்பட்ட பாவாகடா கிராமத்திற்கு மருத்துவர்கள் மற்றும் மருந்தக நிறுவன அதிகாரிகளுடன் நேற்று சென்றார். 

அப்போது இந்தப் பகுதியில் வசிக்கும் கோல்லா சமூதாய மக்கள் ஏ.நாராயணசாமி எம்பி கிராமத்திற்கு வருவதை தடுத்துள்ளனர். ஏனென்றால் இவர் பட்டியலின வகுப்பை சேர்ந்தவர் என்பதால் இவரை தங்களது கிராமத்திற்குள் அனுமதிக்க அம்மக்கள் மறுப்பு தெரிவித்தனர். மேலும் இந்தக் கிராமத்தில் பட்டியலினத்தை சேர்ந்த ஒருவர் கூட உள்ளே நுழைந்தது இல்லை. ஆகவே உங்களை அனுமதிக்க முடியாது என்று மக்கள் தெரிவித்தனர். 

இந்தச் சம்பவத்தால் அப்பகுதியில் பெரும் வாக்குவாதம் ஏற்பட்டது. இதனைத் தொடர்ந்து எம்பி நாராயணசாமி இந்த இடத்திலிருந்து கிளம்பினார். இந்த விவகாரம் தொடர்பாக அம்மாவட்ட எஸ்பி விசாரிக்க உத்தரவிட்டுள்ளார். இதுகுறித்து எஸ்பி, “எம்பியை கிராமத்திற்குள் நுழைய விடாமல் தடுத்தவர்கள் யார் என்று விசாரித்து வருகிறோம். இது தொடர்பாக ஒரு விரிவான அறிக்கையை நான் கேட்டு இருக்கிறேன்” எனத் தெரிவித்துள்ளார். 

இந்த விவகாரம் குறித்து கர்நாடக துணை முதலமைச்சர் அஸ்வத் நாராயன், “கிராமத்திற்குள் நுழைவதற்கு எம்பிக்கே அனுமதி இல்லை என்றால் அது மிகவும் கண்டனத்திற்கு உரிய செயலாகும். இதற்கு தகுந்த நடவடிக்கை எடுக்கவேண்டும். நாம் அனைவரும் சமம். நமக்கு நடுவில் எந்தவித பாகுபாடும் இல்லை” எனக் கூறினார். 

Advertisement:
இது தொடர்பான செய்திகள் :
Advertisement:
Advertisement:
[X] Close