[X] Close
JUST IN
  • BREAKING-NEWS சிலை கடத்தல் தடுப்பு பிரிவு சிறப்பு அதிகாரி பதவியை நீட்டிக்கக்கோரி பொன்.மாணிக்கவேல் உயர்நீதிமன்றத்தில் மனு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கை சிபிஐ விசாரிக்கக்கோரி சென்னை உயர்நீதிமன்றத்தில் மனு
  • BREAKING-NEWS எங்கள் குடும்பத்தினருக்கான எஸ்பிஜி பாதுகாப்பை நீக்கியதும் அரசியலில் ஒரு அங்கம் தான் - பிரியங்கா காந்தி
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி

இந்தியாவில் பல கட்சி ஜனநாயக முறை தோற்றுள்ளது அமித் ஷா மீண்டும் சர்ச்சை பேச்சு

amit-shah-raises-questions-over-efficacy-of-multi-party-democracy

70 ஆண்டுகால சுதந்திர இந்தியாவில் 'பல கட்சி ஜனநாயக முறை' தோற்றுள்ளதாக மக்களின் மனதில் சந்தேகம் எழுந்துள்ளது என்று மத்திய உள்துறை அமைச்சர் அமித் ஷா தெரிவித்துள்ளார். 

மத்திய உள்துறை அமைச்சர் இன்று ஒரு நிகழ்ச்சியில் பங்கேற்றார். அப்போது பேசிய அவர், “70 ஆண்டுகால சுதந்திர இந்தியாவில் 'பல கட்சி ஜனநாயக முறை' தோற்றுள்ளது என்ற மக்களின் மனதில் கேள்வி எழுந்துள்ளது. அத்துடன் பல கட்சி ஜனநாயக முறையால் நமது இலக்கை அடைய முடியுமா என்ற சந்தேகமும் மக்களிடம் எழுந்துள்ளது. இதனால் அவர்கள் வருத்தத்துடன் உள்ளனர்.  நமது அரசியலமைப்புச் சட்டத்தில் பல்வேறு நாடுகளில் உள்ள பல கட்சி முறைகளை ஆராய்ந்து பார்த்த பிறகே இந்த முறை சேர்க்கப்பட்டது. 

எனினும் காங்கிரஸ் கட்சியின் ஆட்சிக் காலத்தில் அரசு இயந்திரம் முடங்கி இருந்தது. முக்கிய முடிவுகளை எடுக்க காங்கிரஸ் கட்சி தலைமையிலான அரசு தவறியது. சிலர் 30 ஆண்டுகாலம் ஆட்சியிலிருந்து ஒரு பெரிய முடிவை மட்டுமே எடுப்பார்கள். ஆனால் எங்கள் அரசு 5 ஆண்டுகளில் ஜிஎஸ்டி உள்ளிட்ட 50 முக்கியமான முடிவுகளை எடுத்துள்ளது. வேறு எந்த ஆட்சியும் எடுக்க பயப்படும் முடிவுகளை நாங்கள் எடுத்துள்ளோம்” எனத் தெரிவித்தார். 

மத்திய உள்துறை அமைச்சர் அமித் ஷாவின் இந்தப் பேச்சு ஒரே நாடு, ஒரே கட்சி என்பதை நோக்கும் செல்லும் வகையில் இருப்பதாக சர்ச்சையை கிளப்பியுள்ளது. ஏற்கெனவே கடந்த 14ஆம் தேதி அமித் ஷா இந்தி குறித்து தெரிவித்த கருத்து பெரும் சர்ச்சையை ஏற்படுத்தியது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close