[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

அவசர எண்ணுக்கு அழைத்து பீட்சா கேட்கும் பொதுமக்கள் - வருந்தும் போலீசார்!

pizza-delivery-mobile-recharges-delhi-railway-police-helpline-flooded-with-trivial-calls

அவசர எண்ணுக்கு அழைத்து பீட்சா போன்ற உணவுகளை பொதுமக்கள் கேட்பதாக டெல்லி ரயில்வே போலீசார் வருத்தம் தெரிவித்துள்ளனர்

ரயில் பயணத்தின் போது ஏதேனும் அவசர தேவை ஏற்பட்டாலோ அல்லது அவசர உதவிக்கோ பொதுமக்கள் போலீசாரை தொடர்பு கொண்டு உதவி கேட்கலாம். அதற்காக 1512 என்ற அவசர எண்ணை போலீசார் அறிவித்துள்ளனர். ஆனால் அந்த அவசர எண்ணை தொடர்புகொள்ளும் பொதுமக்கள், பீட்சா வேண்டும், செல்போன் ரீசார்ஜ் செய்ய வேண்டும் போன்ற தேவைகளை கேட்பதாக போலீசார் வருத்தம் தெரிவித்துள்ளனர். ஒருநாளைக்கு சுமாராக 200க்கும் மேற்பட்ட தொலைபேசி அழைப்புகள் வருவதாகவும், அதில் 80 சதவீதத்தினர் பீட்சா போன்ற உணவுகள் கேட்டும், செல்போன் ரீசார்ஜ் செய்யக்கோரியும் உதவிகள் கேட்பதாக போலீசார் தெரிவித்துள்ளனர்.

இது குறித்து போலீஸ் ஒருவர் கூறுகையில், ''அவசர எண்ணுக்கு அழைக்கும் பலர் எனக்கு பர்கர் வேண்டும், டீ வேண்டும், ஜூஸ் வேண்டும், தண்ணீர் வேண்டுமென கேட்கிறார்கள். சிலர் செல்போன் ரீசார்ச் செய்ய வேண்டுமென கேட்கிறார்கள். பொதுமக்களுக்கு அவசர எண் தொடர்பான விழிப்புணர்வு இல்லை.

24 மணி நேரமும் போலீசார் பணியில் இருந்து அவசர தொலைபேசி அழைப்புகளுக்கு பதிலளித்து வருகின்றனர். ஆனால் பொதுமக்கள் விழிப்புணர்வு இல்லாமல் இருப்பது போலீசாருக்கு தொல்லையாக உள்ளது. சிலர் ரயில் நிலையம் வர காலதாமதம் ஆகிறது என்பதால் ரயிலை நிறுத்துங்கள் என்றுக்கூட அவசர எண்ணுக்கு அழைத்துச் சொல்கின்றனர்'' என தெரிவித்துள்ளார்.

மேலும் ரயில் பயணத்தின் போது சிரமம், குற்றம், கொள்ளை போன்ற அவசர தேவைக்கு மட்டுமே அவசர எண்ணை பொதுமக்கள் அழைக்க வேண்டும் எனவும் போலீசார் தெரிவித்துள்ளனர். 


 

Advertisement:
Advertisement:
Advertisement:
[X] Close