[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

ஹரியானாவிலும் தேசிய மக்கள் பதிவேடு அமல்படுத்தப்படும்: மனோகர் லால் கட்டர்

haryana-to-implement-nrc-as-well-hints-cm-manohar-lal-khattar

ஹரியானாவிலும் தேசிய மக்கள் பதிவேடு அமல்படுத்தப்படும் என்று அம்மாநில முதலமைச்சர் மனோகர் லால் கட்டர் தெரிவித்துள்ளார். 

ஹரியானா மாநிலத்தில் அடுத்த மாதம் சட்டப்பேரவைத் தேர்தல் நடைபெறவுள்ளது. இதற்காக பாஜக கடும் முன்னேற்பாட்டில் ஈடுபட்டு வருகிறது. தற்போது அம்மாநில முதலமைச்சராக பாஜகவின் மனோகர் லால் கட்டர் இருந்து வருகிறார். இவர் மீண்டும் தேர்தலில் வெற்றி பெற்று ஆட்சியை பிடிக்கும் முனைப்பில் உள்ளார். இது தொடர்பாக இவர் ஹரியானா மாநிலத்திலுள்ள பிரபலங்களை சந்தித்து வருகிறார். அந்த வகையில் இன்று ஓய்வு பெற்ற நீதிபதி ஹெச்.எஸ்.பல்லாவை சந்தித்தார். 

இதனைத் தொடர்ந்து ஹரியானா முதலமைச்சர் மனோகர் லால் கட்டர் செய்தியாளர்களை சந்தித்தார். அப்போது அவர், “ஓய்வு பெற்ற நீதிபதி ஹெச்.எஸ்.பல்லா மனித உரிமைகள் ஆணையம் மற்றும் தேசிய மக்கள் பதிவேடு ஆகியவற்றில் பணியாற்றி உள்ளார். அவர் என்னிடம் ஹரியானாவிலும் தேசிய மக்கள் பதிவேட்டை அறிமுகபடுத்த வேண்டும் என்று தெரிவித்தார். நான் அதனை ஹரியானாவில் அமல்படுத்தலாம் என்று அவரிடம் நான் உறுதியளித்தேன்” எனத் தெரிவித்துள்ளார். 

ஏற்கெனவே அசாம் மாநிலத்தில் குடிமக்கள் பதிவேட்டால் பதட்டமான சூழல் ஏற்பட்டுள்ள நிலையில், தற்போது ஹரியானா மாநிலத்திலும் குடிமக்கள் பதிவேடு அமல்படுத்தப்படும் என்று அம்மாநில முதலவர் கூறியிருப்பது குறிப்பிடத்தக்கது. எனினும் இந்த வாரத்தில் தேர்தல் நடத்தை விதிமுறைகள் அமலுக்கு வர உள்ளதால் குடிமக்கள் பதிவேடு மீண்டும் பாஜக ஆட்சிக்கு அமல்படுத்தப்படும் என்று எதிர்பார்க்கப்படுகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close