[X] Close
JUST IN
  • BREAKING-NEWS இந்தியா, தென்னாப்ரிக்கா இடையே ராஞ்சியில் இன்று தொடங்குகிறது மூன்றாவது டெஸ்ட் போட்டி
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“ப.சிதம்பரத்தை காவலில் எடுக்க வேண்டிய அவசியமில்லை” - அமலாக்கத்துறை

enforcement-department-said-there-is-no-need-to-detain-p-chidambaram

ஐ.என்.எக்ஸ் மீடியா முறைகேடு வழக்கில் முன்னாள் மத்திய அமைச்சர் ப.சிதம்பரத்தை காவலில் எடுத்து விசாரிக்க வேண்டிய அவசியம் இல்லை என அமலாக்கத்துறை தெரிவித்துள்ளது.

ஐஎன்எக்ஸ் மீடியா வழக்கில் ஏற்கனவே ப.சிதம்பரம் தாக்கல் செய்த மனுவை டெல்லி உயர்நீதிமன்றம் ரத்து செய்தது. இதையடுத்து சிபிஐ அதிகாரிகள் ப.சிதம்பரத்தை கைது செய்து நீதிமன்றத்தில் ஆஜர்ப்படுத்தினர். விசாரணைக் காவலுக்குப் பிறகு, 15 நாட்கள் நீதிமன்றக் காவலில் ப.சிதம்பரத்தை வைக்க உச்சநீதிமன்றம் உத்தரவிட்டதை அடுத்து, கடந்த 5 ஆம் தேதி திகார் சிறையில் அடைக்கப்பட்டார். ‌ 

இதனிடையே, ஜாமீன் வழங்கக்கோரி டெல்லி உயர்நீதிமன்றத்தில் ப.சிதம்பரம் மனுதாக்கல் செய்தார். ஐஎன்எக்ஸ் மீடியா வழக்கில் சிபிஐ மற்றும் அமலாக்கத்துறை வழக்குகளிலிருந்து ஜாமீன் வழங்கக் கோரி தனித்தனியே மனுதாக்கல் செய்துள்ளார்.

இந்நிலையில், ஐ.என்.எக்ஸ் மீடியா முறைகேடு வழக்கில் ப.சிதம்பரத்தை காவலில் எடுத்து விசாரிக்க வேண்டிய அவசியம் இல்லை என அமலாக்கத்துறை தெரிவித்துள்ளது. தேவைப்படும்போது சிதம்பரத்தை கைது செய்து விசாரிப்போம் எனவும் நீதிமன்ற காவலில் இருப்பதால் சிதம்பரத்தால் ஆதாரங்களையும் சாட்சிகளையும் அழிக்க முடியாது எனவும் அமலாக்கத்துறை, வாதத்தின் போது நீதிமன்றத்தில் தெரிவித்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close