[X] Close
JUST IN
  • BREAKING-NEWS ரஜினி, கமல், விஜய் அனைவரும் மாய பிம்பங்கள், தமிழக அரசியலில் எடுபடாத சக்திகள் - அமைச்சர் ஜெயக்குமார்
  • BREAKING-NEWS உள்ளாட்சித் தேர்தலில் அதிமுக தனித்துப்போடியிட தயார் - அமைச்சர் ராஜேந்திர பாலாஜி
  • BREAKING-NEWS சபரிமலை கோயிலுக்கு என கேரள அரசு தனிச்சட்டம் உருவாக்க வேண்டும் - உச்சநீதிமன்றம்
  • BREAKING-NEWS தமிழகத்தில் 3 நாட்களுக்கு கனமழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS ப.சிதம்பரத்தின் ஜாமீன் மனு மீது உச்சநீதிமன்றம் இன்று விசாரணை
  • BREAKING-NEWS தமிழகத்தில் பழைய சொத்துவரி முறையே தொடரும்: அமைச்சர் எஸ்.பி.வேலுமணி அறிவிப்பு
  • BREAKING-NEWS சர்க்கரை குடும்ப அட்டைகள் வைத்திருப்பவர்கள், விரும்பினால் அரிசி குடும்ப அட்டைகளாக மாற்றிக் கொள்ளலாம்: தமிழக அரசு

பெண்ணும் கிடைக்கவில்லை மரியாதையும் கிடைக்கவில்லை- வேலையை ராஜினாமா செய்த கான்ஸ்டபிள்

29-year-old-constable-in-telangana-police-submits-resignation-claiming-he-s-not-getting-a-bride-to-get-married

29 வயது கான்ஸ்டபிள் ஒருவர் திருமணத்திற்கு பெண் கிடைக்கவில்லை என்று கூறி தனது வேலையை ராஜினாமா செய்துள்ளார். 

தெலங்கானா மாநிலத்தை சேர்ந்தவர் சித்தாந்தி பிரதாப்(29). இவர் கடந்த 2014ஆம் ஆண்டு தெலங்கானா காவல்துறையில் கான்ஸ்டபிளாக பணியில் சேர்ந்துள்ளார். இவர் ஒரு பொறியியல் பட்டதாரி. இவர் தற்போது தீடீரென தனது வேலையை ராஜினாமா செய்ய முடிவு எடுத்துள்ளார். இது தொடர்பாக அவர் ஒரு கடிதத்தை எழுதியுள்ளார். 

அதில், “சார்மினார் காவல் நிலையத்தில் சித்தாந்தி பிரதாப் என்னும் நான் சில கோரிக்கைகளை உங்களின் கவனத்திற்கு முன்வைக்கிறேன். நான் கடந்த 2014ஆம் ஆண்டு தெலங்கானா காவல்துறையில் கான்ஸ்டபிளாக பணியில் சேர்ந்தேன். காவல்துறையில் எனக்கு ஏற்பட்ட அதீத ஈடுபாட்டின் பெயராலேயே இப்பணிக்கு வந்தேன். இதுவரை எனது கடமையை சிறப்பாக செய்துள்ளேன். எனினும் கடந்த சில மாதங்களாக என்னுடைய சீனியர் அதிகாரிகள் பணியிலிருந்து ஓய்வு பெறுவதை பார்த்து வருகிறேன். அவர்கள் பெரும்பாலும் 35 ஆண்டுகளுக்கு மேலாக கான்ஸ்டபிளாகவே பணிபுரிந்து ஓய்வு பெற்றுள்ளனர். அவர்களுக்கு பணியில் உயர்வு கிடைக்காமல் சிறப்பு ஊதியம் மற்றும் கொடுத்து வந்தனர். ஆனால் எஸ்.ஐ மற்றும் அதற்கு மேல் உள்ள அதிகாரிகள் பணி உயர்வு பெற்று சகல வசதிகள் பெற்று வருகின்றனர். 

எனக்கு தற்போது 29 வயதாகிறது. நான் எனது திருமணத்திற்கு பெண் தேடி வருகிறேன். என்னை வரன் பார்த்த பெண் ஒருவர் நான் கான்ஸ்டபிள் என்பதால் என்னை திருமணம் செய்ய சம்மதிக்கவில்லை. அத்துடன் அப்பெண் என்னுடைய உறவினர்களிடம், “அவர் கான்ஸ்டபிளாக இருந்தால் கடைசி வரை கான்ஸ்டபிளாகவே இருப்பார். எனவே அவரை திருமணம் செய்ய விருப்பம் இல்லை” எனக் கூறியுள்ளார். இதனைக் கேட்ட பிறகு நான் மிகவும் மன உளைச்சலில் இருந்தேன். இதனால் என்னுடைய பதவியை நான் ராஜினாமா செய்ய முடிவு எடுத்தேன். ஆகவே என்னுடைய ராஜினாமாவை நீங்கள் ஏற்றுக் கொள்ள வேண்டும்” எனத் தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close