[X] Close
JUST IN
  • BREAKING-NEWS ஒடிஷா முதல்வர் நவீன் பட்நாயக் உடன் மக்கள் நீதி மய்யம் தலைவர் கமல்ஹாசன் சந்திப்பு
  • BREAKING-NEWS பேரவை தேர்தலில் பாஜக கூட்டணியே ஆட்சியமைக்கும் - பொன்.ராதாகிருஷ்ணன்
  • BREAKING-NEWS டெல்லியில் மைக்ரோசாஃப்ட் இணை-நிறுவனர் பில்கேட்ஸ், பிரதமர் நரேந்திர மோடியுடன் சந்திப்பு
  • BREAKING-NEWS போராட்டத்தில் ஈடுபட்ட அரசு மருத்துவர்கள் மீதான பழிவாங்கும் நடவடிக்கைகளை நிறுத்த வேண்டும் - உயர்நீதிமன்றம்
  • BREAKING-NEWS உள்ளாட்சித் தேர்தலில் சென்னையை தனித்தொகுதியாக அறிவிக்க வேண்டும் – சீமான்
  • BREAKING-NEWS அதிசயம், அதிர்ஷ்டத்தை நம்புகிறவர் ரஜினி - அமைச்சர் ஜெயக்குமார்
  • BREAKING-NEWS ராஜஸ்தானில் பேருந்து - லாரி மோதி விபத்து: 14 பேர் உயிரிழப்பு

பெங்களூரு சாலையில் விண்வெளி வீரரின் பயணம் - எதற்காக தெரியுமா?

artist-behind-astronaut-video-on-his-method-to-highlight-pothole-issue

கர்நாடக மாநிலத்தைச் சேர்ந்தவர் ஓவியர் பாதல் நஞ்சுண்டசுவாமி. இவர் விண்வெளி வீரர் போல் ஆடை அணிந்தபடி சாலையில் நடந்த வீடியோவை தன்னுடைய சமூக வலைதள பக்கத்தில் பதிவிட்டார். இந்த வீடியோவை பார்த்த பலரும் அதிர்ச்சி அடைந்தனர். சுமார் ஒரு நிமிடம் ஓடக்கூடியது அந்த வீடியோ. 

              

அந்த வீடியோவில் தொடக்கத்தில் விண்வெளி வீரர் ஒருவர் வேற்றுக் கிரகத்தில் மெல்ல மெல்ல அடி வைத்து நடப்பதுபோல் வரும். கொஞ்ச நேரம் செல்ல அது பூமியில் உள்ள சாலையைப் போல் இருக்கும். இறுதியில்தான், குண்டும் குழியுமாக உள்ள சாலையில் வாகனங்களுக்கு நடுவே ஒருவர் விண்வெளி வீரரின் ஆடை அணிந்தபடி நடந்து செல்வது தெரிய வரும். 

அதாவது, பெங்களூரில் உள்ள சாலைகளின் நிலைமையை எடுத்துக் கூற ஓவியர் பாதல் இந்த வீடியோவை எடுத்துள்ளார். இந்த வீடியோவை பார்த்த பலரையும் அது சிரிக்கவும், பிரச்னையை உணரவும் வைத்துள்ளது. பலரும் இந்த வீடியோவை பகிர்ந்து வருகின்றனர்.

                               

இதுகுறித்து பாதல் நஞ்சுண்டசுவாமி ஏஎன்ஐ-க்கு அளித்த பேட்டியில், “நகரத்தில் உள்ள பெரும்பாலான சாலைகள் மோசமாக உள்ளன. ஒரு பெங்களூரு நகரவாசியாக நாங்கள் நிறைய பிரச்னைகளை சந்தித்து வருகிறோம். சாலைகளில் உள்ள இந்த பள்ளங்கள் விபத்துக்கு வழிவகுக்கிறது. அதனால்தான் இந்த பிரச்னையை எல்லோர் கவனத்துக்கும் கொண்டு வர நினைத்தேன்” என்றார். 

       

இதற்கு முன்பாகவும் ஓவியர் பாதல் பல்வேறு பிரச்னைகளுக்கு இதேபோல் விழிப்புணர்வு வீடியோக்களை வெளியிட்டு இருக்கிறார். அவரது குரலுக்கு மதிப்பு கொடுத்து அரசும் சில பிரச்னைகளை தீர்த்து வைத்துள்ளது. 

இதுகுறித்து அவர் கூறிய போது, “இதற்கு முன்பு, சாலைகளில் உள்ள பள்ளங்கள் குறித்து ஓவியம் வரைந்து அதனை சமூக வலைதளத்தில் வெளியிட்டேன். மாநகராட்சி அதிகாரிகள் உடனடியாக நடவடிக்கை எடுத்தார்கள். என்னுடைய அனுபவம் இதுவரை வெற்றிகரமாக இருந்துள்ளது” என்றார். 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close