[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

ஜூலையில் 8 முக்கிய துறைகளின் வளர்ச்சி 2.1% ஆக குறைவு

growth-of-eight-core-sectors-at-2-1-in-july-down-from-7-3-last-year-govt-data

கடந்த ஜூலை மாதத்தில் 8 முக்கிய துறைகளின் வளர்ச்சி 2.1 சதவீதமாக குறைந்துள்ளது என்று மத்திய அரசின் தரவுகள் தெரிவிக்கின்றன.

இந்திய பொருளாதாரத்தில் தற்போது தேக்க நிலை ஏற்பட்டுள்ளது. இதனையடுத்து நாட்டின் பொருளாதார வளர்ச்சி சதவிகிதம் குறைந்துள்ளது. எனவே பொருளாதாரத்தை சீரமைப்பதற்கான நடவடிக்கைகளில் மத்திய அரசு ஈடுபட்டு வருகிறது. அத்துடன் இந்த நிதியாண்டின் முதல் காலாண்டில் நாட்டின் உள்நாட்டு உற்பத்தியின் வளர்ச்சி 5 சதவிகிதமாக குறைந்தது என்று மத்திய அரசு தரவுகள் தெரிவித்தன.

இந்நிலையில் கடந்த ஜூலை மாதத்தில் நாட்டின் முக்கியமான 8 துறைகளின் வளர்ச்சி 2.1 சதவிகிதமாக குறைந்துள்ளதாக தேசிய புள்ளியியல் அலுவலகத்தின் தரவுகள் தெரிவித்துள்ளது. கடந்த 2018-ஆம் ஆண்டு ஜூலை மாதத்தில் இந்த துறைகளின் வளர்ச்சி 7.3 சதவிகிதமாக இருந்தது. ஆனால் இந்த ஜூலை மாதத்தில் நிலக்கரி, கச்சா எண்ணெய், இயற்கை எரிவாயு உள்ளிட்டவை மிகவும் குறைந்த வளர்ச்சியை பதிவு செய்துள்ளன.

அதேபோல எஃகு, சிமெண்ட் மற்றும் மின்சாரம் ஆகியவற்றின் உற்பத்தி வளர்ச்சியும் கடந்த ஆண்டை விட மிகவும் குறைந்துள்ளது தெரியவந்துள்ளது. அத்துடன் கடந்த ஏப்ரல்-ஜூலை காலளவில் முக்கியமான 8 துறைகளின் வளர்ச்சி வெறும் 3 சதவிகிதமாக இருந்துள்ளது. ஆனால் கடந்த 2018ஆம் ஆண்டு இதே காலளவில் இந்த 8 துறைகளின் வளர்ச்சி 5.9 சதவிகிதமாக இருந்தது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close