[X] Close
JUST IN
  • BREAKING-NEWS பொறியியல் படித்தவர்கள் டெட் எனும் ஆசிரியர் தகுதி தேர்வு எழுதலாம் - தமிழக அரசு
  • BREAKING-NEWS அடுத்த ஆண்டு நடைபெறும் ஒலிம்பிக்கில் பங்கேற்க ரஷ்யாவுக்கு தடை
  • BREAKING-NEWS திருவண்ணாமலையில் பரணி தீபம் ஏற்றப்பட்டது: மாலையில் ஏற்றப்படும் மகா தீபத்திற்காக ஏற்பாடுகள் தீவிரம்
  • BREAKING-NEWS மக்களவையில் குடியுரிமை சட்டத் திருத்த மசோதா நிறைவேறியது குறித்து பிரதமர் மோடி மகிழ்ச்சி
  • BREAKING-NEWS நீண்ட விவாதத்திற்கு பிறகு மக்களவையில் குடியுரிமை சட்ட திருத்த மசோதா நள்ளிரவில் நிறைவேற்றம்

“குடிமக்கள் பதிவேட்டில் இடம்பெறாதவர்களுக்கு சட்ட வாய்ப்புகள் இருக்கிறது”- உள்துறை அமைச்சகம்

people-letf-out-of-nrc-will-be-not-detained-says-mhc

குடிமக்கள் பதிவேட்டில் இடம்பெறாத மக்கள் தங்களின் சட்ட வாய்ப்புகளை மேற்கொள்ளும் வரை கைது செய்யப்படமாட்டார்கள் என்று மத்திய உள்துறை அமைச்சகம் விளக்கம் அளித்துள்ளது.

அண்டை நாடுகளில் இருந்து குடியேறியவர்களை அடையாளம் காணும் வகையில் அசாமில் தேசிய குடிமக்கள் பதிவேடு வெளியிடப்பட்டது. உச்சநீதிமன்ற உத்தரவுப்படி  வெளியிடப்பட்டுள்ள இறுதிப்பட்டியலில் 19 லட்சத்து 6657 பேரின் பெயர்கள் இடம்பெறவில்லை. எனவே இவர்கள் தங்களின் உரிமைகளை இழக்க நேரிடும் சூழல் உருவாகியுள்ளது. 

இந்நிலையில் இந்த விவகாரம் தொடர்பாக மத்திய உள்துறை அமைச்சகம் விளக்கம் அளித்துள்ளது. அதில்,“தேசிய குடிமக்கள் பதிவேட்டில் இடம்பெறாதவர்கள் இது பற்றி முறையிட அவர்களுக்கு 120 நாட்கள் கால அவகாசம் அளிக்கப்பட்டுள்ளது. அத்துடன் இவர்கள் முறையீடு குறித்து விசாரிக்க கூடுதலாக 200 வெளிநாட்டவர் தீர்ப்பு ஆணையம் (Foreigners Tribunal) இன்று முதல் அமைக்கப்பட்டுள்ளது.

மேலும் இந்த குடிமக்கள் பதிவேட்டில் இடம்பெறாதவர்களை யாரும் தற்போது கைது செய்யப்பட மாட்டார்கள். அவர்கள் தங்களுக்கு உள்ள அனைத்து சட்ட வாய்ப்புகளை செய்து முடிக்கும் வரை எந்த நடவடிக்கையும் அவர்கள் மீது எடுக்கப்பட மாட்டாது. அவர்கள் மற்ற குடிமக்களை போல் அனைத்து உரிமைகளையும் உடையவர்களாகவே இருப்பார்கள். அத்துடன் இந்த மக்கள், சட்ட உதவிகளை பெற அசாம் மாநில அரசு மாவட்ட சட்ட உதவி ஆணையத்திற்கு அறிவுறுத்தியுள்ளது” எனத் தெரிவித்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close