[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

கேரளா, கர்நாடகாவில் இடைவிடாது கொட்டும் மழை - உயிரிழப்பு 86 ஆக உயர்வு

39-more-die-in-kerala-karnataka-maharashtra-floods-toll-rises-to-86

கேரளா, கர்நாடகாவில் மழை, வெள்ள பாதிப்புக்கு உயிரிழந்தோரின் எண்ணிக்கை 86 ஆக உயர்ந்துள்ளது. 

கேரள மாநிலம் முழுவதும் கடந்த சில நாள்களாக கனமழை பெய்து வருகிறது. இதனால், தாழ்வான பகுதிகள் வெள்ளத்தால் மூழ்கியுள்ளன. தேயிலைத் தோட்டங்கள் வழியே காட்டாற்று வெள்ளம் பெருக்கெடுத்துள்ளது. வயநாட்டில் மேப்பாடி, புதுமலை பகுதிகளில் மிகப்பெரிய நிலச்சரிவு ஏற்பட்டது. தொடர் மழை மற்றும் வெள்ளத்தால் ரயில் தண்டவாளங்கள் கடுமையாக பாதிக்கப்பட்டுள்ளதால் கேரளாவில் மட்டும் 18 ரயில் சேவைகள் ரத்து செய்யப்பட்டுள்ளன. இந்த ரயில்களின் முன்பதிவு தொகையை அடுத்த மாதம் 15ஆம் தேதி வரை பெறலாம் என ரயில்வே அறிவித்துள்ளது. 

                        

அதேபோல், கர்நாடகாவில் ஜூன் மாதம் தொடங்கிய தென்மேற்கு பருவமழை, தீவிரம் அடைந்துள்ளது. மாநிலத்தில் பரவலாக மழை பெய்து வருகிறது. குறிப்பாக வட கர்நாடகத்தில் பெரும்பாலான மாவட்டங்கள், தென் கர்நாடகத்தில் உள் மாவட்டங்களான சிவமொக்கா, கார்வார், மங்களூரு, உடுப்பி, குடகு, ஹாசன், மைசூரு உள்ளிட்ட மாவட்டங்களில் கனமழை பெய்து வருகிறது. அதேபோல், மகாராஷ்டிராவின் பல இடங்களிலும் தொடர்ந்து கனமழை பெய்து வருகிறது.

கேரளா, கர்நாடகா, மகாரஷ்டிராவில் இடைவிடாது கொட்டும் மழை, வெள்ளத்தால் சுமார் 2 லட்சம் பேர் பாதிப்படைந்துள்ளனர். மழை, வெள்ள பாதிப்புக்கு உயிரிழந்தோரின் எண்ணிக்கை 86 ஆக உயர்ந்துள்ளது. மீட்புப் பணிகளில் தேசிய பேரிடர் மீட்புப் படை மற்றும் ராணுவம் தீவிரம் காட்டி வருகிறது. 

                  

நேற்று மட்டும் கேரளாவில் 20 பேர் வரை உயிரிழந்திருக்கக் கூடும் என தகவல்கள் தெரிவிக்கின்றன. இதனால், கேரளாவில் உயிரிழந்தோரின் எண்ணிக்கை 36 ஆக உயர்ந்துள்ளது. அதேபோல், கர்நாடகாவில் நேற்று மட்டும் 10 பேர் உயிரிழந்துள்ளனர். அதனால், கர்நாடகாவில் உயிரிழந்தோரின் எண்ணிக்கை 22 ஆக உயர்ந்துள்ளது. கேரளாவின் கொச்சி விமான நிலையம் நாளை வரை மூடப்பட்டுள்ளது.

Advertisement:
Advertisement:
Advertisement:
[X] Close