[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

ரயில் சேவையை நிறுத்தியது பாகிஸ்தான் - இந்தியா மறுப்பு

samjhauta-express-shut-down-says-pak-minister-india-denies-claim

சம்ஜவுதா எக்ஸ்பிரஸ் விரைவு ரயில் சேவையை நிறுத்தியதாக பாகிஸ்தான் ரயில்வே அமைச்சர் தெரிவித்துள்ளார். 

இந்தியா-பாகிஸ்தான் இடையே சம்ஜவுதா எகஸ்பிரஸ் விரைவு ரயில் இயக்கப்பட்டு வருகிறது. காஷ்மீர் மறுசீரமைப்பு மசோதாவை இந்தியா கடந்த செவ்வாய்கிழமை நிறைவேற்றியது. இதனைத் தொடர்ந்து இதற்கு எதிர்ப்பு தெரிவிக்கும் விதமாக பாகிஸ்தானிற்கான இந்திய தூதரை பாகிஸ்தான் திருப்பி அனுப்ப திட்டமிட்டுள்ளது. அத்துடன் இந்தியாவுடனான வர்த்தகத்தையும் முறித்துக் கொள்ள திட்டமிட்டிருந்தது. 

இந்நிலையில் தற்போது சம்ஜவுதா எக்ஸ்பிரஸ் விரைவு ரயிலை தற்போது பாகிஸ்தான் எல்லைப்பகுதியான வாகாவில் நிறுத்தியுள்ளதாக பாகிஸ்தான் ரயில்வே அமைச்சர் தெரிவித்துள்ளார். இது தொடர்பாக பாகிஸ்தான் ரயில்வே அமைச்சர் ஷேக் ரஷீத், “நாங்கள் சம்ஜவுதா எக்ஸ்பிரஸ் ரயில் சேவையை நிறுத்த திட்டமிட்டுள்ளோம். நான் ரயில்வே அமைச்சராக இருக்கும் வரை இந்த ரயிலின் சேவை மீண்டும் தொடராது” எனத் தெரிவித்துள்ளார்.

இந்தச் சூழலில் சம்ஜவுதா எக்ஸ்பிரஸ் தற்போது பாதுகாப்பு காரணங்களுக்காக வாகா எல்லை பகுதியில் நிறுத்தப்பட்டுள்ளதாக தெரிவிக்கப்பட்டுள்ளது. இதனையடுத்து இந்திய ரயில்வே அதிகாரிகளுக்கு தகவல் தெரிவிக்கப்பட்டது. இதனைத் தொடர்ந்து இந்தியா சார்பில் அந்த ரயிலிலுள்ள பயணிகளை அழைத்து வருதற்கு ஒரு ரயில் இஞ்சின் அனுப்பப்பட்டுள்ளதாக அதிகாரிகள் தெரிவித்துள்ளனர். அத்துடன் இந்தியா-பாகிஸ்தான் இடையே ரயில் நிறுத்தப்படவில்லை எனவும் இந்திய ரயில்வே அதிகாரிகள் தெரிவித்துள்ளனர். 

சம்ஜவுதா ரயில் வாரம் இருமுறை இந்தியா-பாகிஸ்தான் இடையே இயக்கப்படுகிறது. இந்த ரயிலில் தற்போது 110 பயணிகள் உள்ளனர். அத்துடன் இந்தியாவிலிருந்து பாகிஸ்தான் செல்ல 70 பயணிகள் காத்துள்ளனர் என்பது குறிப்பிடத்தக்கது. 
 

Advertisement:
Advertisement:
Advertisement:
[X] Close