[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

வெள்ளத்தில் சிக்கியவர்களை மீட்கச் சென்ற படகு கவிழ்ந்து, 9 பேர் உயிரிழப்பு

maharashtra-floods-at-least-9-killed-16-missing-as-boat-capsizes

மகாராஷ்ட்ராவில் மழை வெள்ளத்தில் சிக்கியவர்களை மீட்கச் சென்ற படகு கவிழ்ந்ததில் 9 பேர் உயிரிழந்துள்ளனர். 16 பேரை காணவில்லை.

வட மாநிலங்களில் கடும் மழை பெய்துவருகிறது. இந்த மழைக்கு குஜராத், மகாராஷ்ட்ரா, கர்நாடக மாநிலங்கள் கடுமை யாகப் பாதிக்கப்பட்டுள்ளன. கேரளாவிலும் கனமழை பெய்து வருகிறது. இதனால் மக்களின் இயல்பு வாழ்க்கைப் பாதிக்கப் பட்டுள்ளது. பள்ளி, கல்லூரிகளுக்கு விடுமுறை விடப்பட்டுள்ளன. மழை, வெள்ளத்தால் பாதிக்கப்பட்டுள்ள பகுதிகளில் மாநில மற்றும் தேசிய பேரிடர் மீட்புக் குழுவினர், மீட்பு பணியில் ஈடுபட்டுள்ளனர்.

இந்நிலையில், மகாராஷ்ட்ரா மாநிலம் சங்கிலி மாவட்டத்தில் உள்ள பாலுஸ் அருகேயுள்ள பிரமானல் கிராமத்தில் இன்று மீட்பு பணி நடந்தது. இந்த கிராமம் கிருஷ்ணா ஆற்றின் கரையில் அமைந்துள்ளது. அங்கு வெள்ளத்தில் சிக்கியவர்களை மீட்க, ஊர் பஞ்சாயத்துக்கு சொந்தமான படகு சென்று வந்தது. முதலில் இரண்டு முறை சென்று ஆட்களை மீட்டு வந்த படகு, மூன் றாவது முறையாகச் சென்றது. 

வெள்ளம் ஊருக்குள் புகுந்துவிடும் என்ற பீதியின் காரணமாக படகில், ஏராளமானோர் ஏறினர். 20 பேர் செல்லக்கூடிய படகில், 30-க்கும் அதிகமானோர் ஏறியதால் திடீரென்று கவிழ்ந்தது. இதில், 7 பெண்கள் உட்பட 9 பேர் உயிரிழந்துள்ளனர். 16 பேரை காணவில்லை. மற்றவர்கள் நீந்தி கரையேறினர்.

இதையடுத்து மீட்பு படையினருக்குத் தகவல் தெரிவிக்கப்பட்டது. விரைந்து வந்த அவர்கள் 20 படகுகளில், மீட்பு பணியில் ஈடுபட்டு வருகின்றனர். இதற்கிடையே, உயிரிழந்தவர்களின் குடும்பங்களுக்கு தலா ரூ.5 லட்சம் இழப்பீடு வழங்கப்படும் என்று அம்மாநில அரசு தெரிவித்துள்ளது. 

மழை காரணமாக, மேற்கு மகாராஷ்ட்ராவில் நேற்று 16 பேர் உயிரிழந்த நிலையில் இந்த படகு விபத்து சம்பவம், அந்தப் பகுதியில் பரிதாபத்தை ஏற்படுத்தியுள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close