[X] Close
JUST IN
  • BREAKING-NEWS விக்கிரவாண்டி சட்டப்பேரவை தொகுதி இடைத்தேர்தலில் திமுக சார்பில் நா.புகழேந்தி போட்டி
  • BREAKING-NEWS 2023-ஆம் ஆண்டுக்குள் தனியார் ரயில் சேவையைக் கொண்டுவர மத்திய அரசு திட்டம்
  • BREAKING-NEWS கர்நாடகத்தில் பெய்து வரும் கனமழை காரணமாக மேட்டூருக்கு வரும் நீரின் அளவு இன்று இரவுக்குள் 50 ஆயிரம் கன அடியை எட்டும் - ஜல்சக்தி துறை அமைச்சகம்
  • BREAKING-NEWS தமிழகத்தில் வளிமண்டல மேலடுக்கு சுழற்சியால் 14 மாவட்டங்களில் 2 நாட்களுக்கு கனமழை பெய்ய வாய்ப்பு
  • BREAKING-NEWS விலை உயர்வு: ரூ.8 லட்சம் மதிப்புள்ள 100 மூட்டை வெங்காயம் கொள்ளை!

எம்எல்ஏ போராடிய இடத்தை சாணத்தை ஊற்றி கழுவியதால் சர்ச்சை

youth-congress-workers-purify-venue-with-cow-dung-where-dalit-mla-protested

கேரளாவில் பட்டியலினத்தை சேர்ந்த பெண் எம்எல்ஏ ஒருவர் போராட்டம் நடத்திய இடத்தை காங்கிரஸ் கட்சியினர் சாணத்தை ஊற்றி சுத்தம் செய்த சம்பவம் சர்ச்சையை ஏற்படுத்தியுள்ளது. 

இந்திய கம்யூனிஸ்ட் கட்சியை சேர்ந்த நட்டிக்காரா தொகுதி எம்எல்ஏ கீதா கோபி, தனது தொகுதிக்கு உட்பட்ட திரிப்ரையார் பகுதியில் அடிக்கடி விபத்து நடப்பதால், சாலையை சரிசெய்யக் கோரி பொதுப்பணித்துறை அலுவலகம் முன்பு போராட்டம் நடத்தினார். சாலை சரிசெய்யப்படும் என அதிகாரிகள் உறுதி அளித்ததை அடுத்து போராட்டத்தை கைவிட்டு அங்கிருந்து புறப்பட்டு சென்றார். இதனையடுத்து அப்பகுதிக்கு வந்த காங்கிரஸ் தொண்டர்கள் சிலர் எம்எல்ஏ கீதா கோபி போராட்டம் நடத்திய இடத்தை சாணத்தை ஊற்றி சுத்தம் செய்ததாக தெரிகிறது. 

தான் பட்டியலினத்தை சேர்ந்தவர் என்பதால் காங்கிரஸ் கட்சியினர் சாணம் ஊற்றி சுத்தம் செய்ததாக கீதா கோபி குற்றம் சாட்டியுள்ளார். இந்த சம்பவத்திற்கு கேரளா சுகாதாரத்துறை அமைச்சர் சைலஜா உள்ளிட்ட பலரும் கடும் எதிர்ப்பை தெரிவித்து வருகின்றனர். குற்றச்சாட்‌டை மறுத்துள்ள காங்கிரஸ் கட்சியினர், தொகுதி மக்கள் மீது எம்எல்ஏ கீதா கோபிக்கு அக்கறை இல்லை என்றும், அதனை கண்டிக்கும் விதமாகவே இச்செயலில் ஈடுபட்டதாகவும் தெரிவித்துள்ளனர். இச்சம்பவம் கேரளாவில் பெரும் சர்ச்சையை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close