[X] Close
JUST IN
  • BREAKING-NEWS நாங்குநேரி, விக்கிரவாண்டி ஆகிய தொகுதிகளுக்கான இடைத்தேர்தலில் மக்கள் நீதி மய்யம் போட்டியிடாது - கமல்ஹாசன்
  • BREAKING-NEWS இந்தியா-தென் ஆப்ரிக்கா அணிகள் இடையேயான கடைசி மற்றும் மூன்றாவது டி20 போட்டி இன்று நடைபெறுகிறது
  • BREAKING-NEWS ரஷ்யாவில் நடைபெற்ற உலக குத்துச்சண்டை சாம்பியன்ஷிப் போட்டியில் இந்திய வீரர் அமித் பங்கால் வெள்ளிப் பதக்கம்
  • BREAKING-NEWS தமிழகத்தில் 14 மாவட்டங்களில் இன்று கனமழைக்கு வாய்ப்பு - வானிலை மையம்
  • BREAKING-NEWS விக்ரம் லேண்டரை தொடர்பு கொள்ள முடியவில்லை -இஸ்ரோ தலைவர் சிவன்
  • BREAKING-NEWS நாங்குநேரி, விக்கிரவாண்டி தொகுதிகளுக்கு அக்.21இல் இடைத்தேர்தல்

மத்திய அரசுப் பதவி: ஐ.ஏ.எஸ்.அதிகாரிகள் மாற்றம் !

ias-officer-ajay-kumar-bhalla-appointed-next-union-home-secretary

மத்திய மின்துறை செயலாளர் அஜய்குமார் பல்லா, உள்துறை அமைச்சகத்திற்கு சிறப்பு அதிகாரியாக மாற்றம் செய்யப்பட்டுள்ளார்.

தற்போது உள்துறை செயலாளராக இருக்கும் ராஜீவ் கவ்பா வரும் ஆகஸ்ட் 31ம் தேதி ஓய்வு பெற உள்ளார். இதனையடுத்து அஜய்குமார் பல்லா உள்துறை செயலாளராக பதவியேற்பார் என எதிர்பார்க்கப்படுகிறது. அஜய்குமார் பல்லாவை உள்துறையின் சிறப்பு அதிகாரியாக உடனடியாக நியமித்து பிரதமர் மோடி தலைமையிலான நியமனங்களுக்கான அமைச்சரவைக் குழு உத்தரவு பிறப்பித்தது. அஜய்குமார் பல்லா அடுத்த உள்துறை செயலாளராக நியமிக்கப்படுவார் என உத்தரவில் கூறப்படவில்லை. எனினும், உள்துறை செயலாளர் இருக்கும்போது அடுத்த உள்துறை செயலாளராகப் பதவியேற்க உள்ளவரை உள்துறை சிறப்பு அதிகாரியாக நியமிப்பது மரபு என கூறப்படுகிறது. 

அஜய்குமார் பல்லா உள்துறை செயலாளராக நியமிக்கப்பட்டால் அவர் இரண்டு ஆண்டுகள் அந்தப் பதவியில் இருப்பார். இதைத் தவிர பல்வேறு துறைகளுக்கான செயலாளர்களும் மாற்றப்பட்டுள்ளனர். பொருளாதார விவகாரங்கள் துறை செயலாளராக அடனு சக்கரவர்த்தி, மின்துறை செயலாளராக எஸ்.சி. கார்க், அலுவல் மொழிகளுக்கான துறையின் செயலாளராக அனுராதா மித்ராவும் நியமிக்கப்பட்டுள்ளனர். 

1986ஆம் ஆண்டு இந்திய அரசு பணியில் சேர்ந்த எட்டு அதிகாரிகள் மத்திய அரசின் பல்வேறு துறைகளில் செயலாளர்களாக நியமிக்கப்பட்டுள்ளனர். இதே ஆண்டு தேர்ச்சி பெற்ற 12 ஐஏஎஸ் அதிகாரிகள் சிறப்புச் செயலாளர்களாக உயர்த்தப்பட்டுள்ளனர்.

Advertisement:
Advertisement:
Advertisement:
[X] Close